لطمية يوم مكتوبة
الرادود باسم الكربلائي
الف واربعمية عام وقلبي نار
ويوم طفك مختصر كل السنين
جن مصابك توه صاير ياحسين
وجنه هذا اليوم اول اربعين
يوم .. كيوم إحسيني .. أشوفه بعيني .. ولا مر بالي
دوم .. أريد أحبابي .. تقيم إمصابي .. لخوي الغالي
أريد أشكركم على إزيارتكم
لو جيتو تلكوني محتاره إبنعشي
منصوبه فاتحتي وتلگه اليمشي
وريد الدمعه تهز السبعه
يازينب للصاحو للناحو عهدي
ما أدخل للجنه وأتعنه وحدي
وأنطي إچايه للمشايه
ماي .. يطفي إخيامي .. دمع خدامي .. إبنهار العاشر
جاي .. كأنه إينافس .. برير وعابس .. أشوف الزاير
كأن متحامل يريد إيقاتل
كل خطوه اليمشيها وينويها أدري
ناذرهه عالفطره من عمره العمري
چبير إبعيني اليزور حسيني
مايرجع ماخايف لوشايف موته
وإيلبي وإيردد وإيهدد صوته
للطف جينه يابوسكينه
صوت .. ينادي وعينچ .. ضريح إحسينچ .. زحف نمشيله
موت .. نموت إبابچ .. ولابحجابچ .. هوى إيهز شيله
حلفنه براسچ نجي العباسچ
يازينب حلفولي وضحولي إبدمهم
ياربي تنصرهم تحفظهم كلهم
هذوله ضيوفي وجو لطفوفي
مرضاهم شافيهم عافيهم ربي
حاجتهم تگضيها تنطيها إبحبي
لترد حاجه للمحتاجه
هام .. خبر من حيدر .. إلى المايگدر .. يزور حسينه
قام .. يصلي إزياره .. الحفظ زواره .. ودمعته بعينه
اليهجره إنهجره اليبغضه إنكفره
ياواهم من تهجر قرآن حسينك
حبل الرب يتگطع مابينه وبينك
زيارة گبره دعاء الزهره
لاتعبر وتحذر خط أحمر خطنه
مانعطش والكوثر بالمحشر شطنه
إنه الطاعه وأمر الساعه
نور .. نساء الشيعه .. لمرنه إطيعه .. إوحزنه وطفه
سور .. طريق الجنه .. ترون منه .. صفاة العفه
سواد إعبيهن شرف يكفيهن
يازينب لونادن وآسني إبحزني
من سمعن مسبيه ماغابن عني
أحسن بيهن شمر سابيهن
يتمنن من يمشن من يبچن لجلي
يوم الطف حاديهن سابيهن مثلي
كل شيعيه چن مسبيه
ثار .. أريدن منهن .. وريد أحسبهن .. بنات الزهره
نار .. گلبهن صاير .. كنار العاشر .. خيم مستعره
مثل ما زينب وجها إمترب
دمعتهن لوطاحت چن طايح دمعي
ويجبرن من يمشن ظلع أمي وظلعي
عزيمه العدهن جبل ميردهن
عبرتهن من عبرة من ثورة دمي
مذهبهن علمهن كل همهن همي
من عرفني ماعافني
play_arrow
play_arrow
play_arrow
play_arrow
play_arrow
play_arrow
تعليقات