محتار - مكتوبة

قصيدة : مـحـتـار جـم لـوعة شفت

الشاعر : الأديب الحاج جابر الكاظمي

الرادود : الحاج ملا باسم الكربلائی

مـحـتـار جـم لـوعة شفت*محتار أمشي و التفت
و آنـة وحـدة و عيلة عندي منهو بعدي يحمي حدي
******
حسين.....هاي  الصرخة عليًّ ارتفعت من صوب عيالي
حـسـين......صاحن باسمي و زيدن همي شعبن دلالي
حـسـيـن......طفلك هذا يريد يودعك يا آخر والي
حـسـيـن.....مو بلسانه بدمعه يردد هالصوت العالي
جـفـنـي ينضح دمعي يسفح تالي يصبح خالي مهدي
و  آنـة  وحدي و عيلة عندي منهو بعدي يحمي حدي
******
حـسـين......طفلك آنة و تلفح روحي بجمرة آلامي
حسين......جبدي تفطًّر جلمة و تظهر من قلبي الظامي
حـسـيـن......هاليوم أصبح يوم المحنة و آخر أيامي
حسين......و  شلون  أشرب دمعة عيني و المدمع دامي
شـتـفـيـد  يـبـني  دمعتك شتفيد ذابت جبدتك
ارد  اسـألـك ويـن أحملك و آنة مثلك يغلي جبدي
و  آنـة  وحدي و عيلة عندي منهو بعدي يحمي حدي
******
حـسـين.....ادري  بحالك ناري التلهب تشبه نيرانك
حـسين.....خذني  لصدرك و اطلع بية لساحة ميدانك
حسين......خليني اسمع جلمة و تطلع من طرف لسانك
حـسـيـن.....عـن هالحالة المرَّت بية خبّر عدوانك
عـدوان  يـبـنـي بـلا شِيَم عدوان ماعندهم رحم
هـذي  امـة بـلايـا ذمـة بـلايا رحمة كلها ضدي
و  آنـة  وحدي و عيلة عندي منهو بعدي يحمي حدي
******
حـسين.....لاشك تعطف هاي الوادم لوشافت زغري
حـسـيـن.....ريتك منهم ماي تحصِّل و تخمد جمري
حـسين.....بيش  اتصبًّر شافت عينك هالحالة و تدري
حسين.....بس لا خصمك يفجع قلبك و يصوب نحري
يـرمـوك  لا شـك هـالـخـبر يرموك نبلة بالنحر
هـالـرزايـا و الـمـنـايـا بـالرواية رواها جدي
و  آنـة  وحدي و عيلة عندي منهو بعدي يحمي حدي