يبقه النداء

قصيدة : يبقى النداء الفاطمي
للشاعر : حاتم صبري الكاظمي
 المناسبة : الليالي الفاطمية 1440

الرادود : الحاج ملا باسم الكربلائی
 حسينية الحاج داوود العاشور

يبقه النـداء الفـاطمي يمهدي
( شُلَّتْ يَدُ الطغيانِ و التعدّي )
******
صرخة رفض تِطلقهه هالجوارح
ضِــد الي ويّه ابليس بالمصالِح
الكاسر ضلعهه و الله ما نسامِح
منعـوف ثار الزهره يا بو صالح
مَـدويّه تبقه صَـرخة التحدي
( شُلَّتْ يَدُ الطغيانِ و التعدّي )
******
يالمهدي نِقســم و القَسَم نِصونَه
اليسمع حچي الناصبي مو أَخونَه
بالدم كِتــبنه الضـــلع ما نِخونه
( لبيــكِ يا زَهـــراءُ يا حَــنـونه )
أحله دعاء اعله الظلمهه عندي
( شُلَّتْ يَدُ الطغيانِ و التعدّي )
******
أي وحگ عمر الطاهره و شبابه
انعرفه السطرهه لو لبس نِقـابه
و باب الدفـــعهه هيه لله بابه
القـتلو الزهره ذوله مو صَحابه
ما غير سيفك للجريمه يجدِي
( شُلَّتْ يَدُ الطغيانِ و التعدّي )
******
اشهود العَـيان اتحـدد ابطبعها
ياهو الحرگهه الباب و الدِفعها
باچر يمــهدي لو حچه دمعها
ايگلك فُـلان الي كِسر ضِلعها
لـ قعر الجحيم الي ظلم تودي
( شُلَّتْ يَدُ الطغيانِ و التعدّي )
******
ساعة ظهورك من تقيمه لـ الحَد
حَــلگ المُــنافق من تـنادي ينسَد
تـاخِذ بــثارك أيُّــها المُــــؤيَّد
يفرح علي ويفرح گلــب مُحـمد
و عصر العَداله بيك لَمّه يبدي
( شُلَّتْ يَدُ الطغيانِ و التعدّي )
******
و تبني البقيع اليسحر النواظر
و لزهره تعله لـ السمه المناير
و تقيم دولة قِبلة لـ المشـاعر
يبــقه أسمههـه دولة الشعائر
و تصيح زواري عليّه اشهْدي
( شُلَّتْ يَدُ الطغيانِ و التعدّي )