قصيدة : عـلي السجاد ابلسانه
الشاعر : السيد سعد الذبحاوي
الرادود : الحاج ملا جلیل الکربلائي
عـلي السجاد ابلسانه .... الثورته صدر بيانه
******
ثـورة احـسين العظيمه نهضت بأصعب مهمه
مـنـحـره غده فكرها و ارتوت بوداج دمه
و هـذي دم الـرسـاله البيه يزيد انهار حكمه
ثـبـتت الدين و كيانه .... الثورته صدر بيانه
******
أرخ ابـدمـه الـحقائق و كل مضامين العداله
الـحبر أصبح دم وريده و القلم سيف الرساله
و أبـو الـبـاقر بالخطابه فضح أرباب الضلاله
مـن قـصر إبن مرجانه .... الثورته صدر بيانه
******
ابـجـتـل أبـو اليمه اميه فكرة تربح الجوله
و تـبني الها أكبر مواقع و عالجماجم تبني دوله
مـا درت هـالنهضه تمت و بيرغ الثوره تعله
صـوته من أطلق عنانه .... الثورته صدر بيانه
******
مـثـل موسه من تكلم ويه قومه العصت أمره
و مـوسه لاجن ما تكبل ولا مشه الامه يسره
رغـم قـيد الطاغي صوته مرتفع بأرجاء قصره
مـن عقر داره و مجانه .... الثورته صدر بيانه
******
قـالـوا اعليهم خوارج و هم من أشرف قبيله
ابـخـطبته السجاد وضح هوه و الحره العقيله
احـنه هل بيت الرساله و النه ترجع كل فضيله
ظـن يـزيد ابها الإهانه .... الثورته صدر بيانه
******
مـن دخـل للشام حاير اتفجرت ثورة كلامه
أحد من السيف صارت و بيها وضح كل ظلامه
احـنـه هل بيت النبوه الباري خصنه بالإمامه
خـسـر طاغيهم رهانه .... الثورته صدر بيانه
******
راهـب آل بـيت شاهد باليسر شته المصايب
الـكوفه و الشام و سبيها ابقلبه حفرتها النوايب
و قرب منه الأجل تالي و بالسموم اقليبه ذايب
و ابـقطع جبد الديانه .... الثورته صدر بيانه
******
الـبـاقـر ابنه اتعنه يمه و غسله ابدمع الرزيه
و هـوه شـاهد جده بالطف امغسل ابدم المنيه
و جـسمه عالتربان عاري امجفن ابداري الوطيه
امـوذر ابسيف الخيانه .... الثورته صدر بيانه
play_arrow
play_arrow
play_arrow
play_arrow
play_arrow
play_arrow
تعليقات