حبنا ما يتغير
قصيدة : يا زهراء حبنه ما يتغير
الشاعر : الأديب علي الخفاجي
الرادود : الحاج ملا باسم الكربلائی
يا زهراء حبنه ما يتغير...يا زهراء احنه شيعة حيدر
******
للضلع صوت ما يطيب اصوابه...و احنه للثار كل عصر طلابة
قبرج انريد نوقف اعله اعتابه...صاحب الثار يمته يبدي احسابه
يا زهراء هذا صوت المنحر...يا زهراء احنه شيعة حيدر
******
شيعة للموت وي علي وفّاية...اتطيح الجفوف ما تطيح الراية
القبرج انريد نعتني مشّاية...بذاك التراب عدنه غاية و غاية
يا زهراء نرتوي من الكوثر...يا زهراء احنه شيعة حيدر
******
قسم و الله فدك ما ننساها...طول السنين انموت نحيه اوياها
احنه عشاق بالعشق نتباها...أم الحسين لحظة ما عفناها
يا زهراء نهتف و للمحشر...يا زهراء احنه شيعة حيدر
******
أهل الأحقاد بالعشق لامونه...ما يقدرون عنج ايمنعونه
نبقه وياج حته لو ذبحونه...احنه الأحرار رافضة ايسمونه
يا زهراء حبنه ما يتفسر...يا زهراء احنه شيعة حيدر
******
اشما يمنعون صحنه و اتحدينه...هذا تاريخ بس علي والينه
زمرة افلان اشما تفجر بينه...صحنه بالموت يا علي نادينه
يا زهراء دمنه خل يتفجر...يا زهراء احنه شيعة حيدر
******
اليحرس القاع ما يخون البيعة...انبيع الأرواح بس علي منبيعه
خل يلومون علي نبقه انطيعه...رغم الأخطار شيعة نهتف شيعة
يا زهراء حته لو نتوذر...يا زهراء احنه شيعة حيدر
التعلیقات