قصيدة : انــــه زيــــنب وخــل يشهد زمانـي
الشاعر : الأديب الحاج جابر الكاظمي
الرادود : الحاج ملا باسم الكربلائی
انــــه زيــــنب وخــل يشهد زمانـي ويــدري شچم سهم بالطف رماني
مـــرامي الـغاضريه شــــفت بيها المنيه
******
يــــدهري صـــــوبتني بأربع سهام
سبي وغربه ومنايه وحرگ الخيام
واسهــــام الشـــــماته إشلون تلتام
وابـــــشفرة أحـــــــقادك وذرتـــني ومثــل چـــثة عـــلي الأكبر غدتني
طـــعناتــــك البــــيه شفــت بــيها المنيه
******
هيــــهات أرضــــخ لحكمك يدهري
وشـــدّيت الــــــگلب بحزام صبري
وبــــنيت العـفّه فوگ أستار خدري
لو شـــفت الـــدمع من عيني ساجم تفايـــض مــن نــحر بدر الهواشم
واچــــفوفه الـرمـيه شـــفت بيها المنيه
******
زيـــــنب يــــا دهـــــر تـشهد الأيام
إشـــما تـــحرب عليّ هيهات أنظام
ابــوسط گلبي علگت شموع جسام
وابـــچبدي إنصـــبت العرس حوفه وابدمــــه اعــــجنت حـــنة چفوفه
واشـــموعه الزهيه شفــــت بيها المنيه
******
أنــــه زيــنب صفت الأحزان عيدي
ونبلة حــــرملــــه حـــــزّت وريدي
مثـــــل جــــيد الطفل طوگت جيدي
مـــن شــــفت الطفل يم امه مذبوح ابجسمي ما بگت لا مهجه لا روح
والعــــلّه الخـــــفيه شفــــت بيها المنيه
******
إعـــرفت يا دهر عالعايله اشسادي
مــــن رد المــــهر يصــــهل ينادي
الـــظليمه الــلّي سبت عيلة الهادي
ابسرجه الخــالي چنّي اليسر شفته يــــگلي حسـين فوگ الغبره عفته
يـــزينب هــــالرزيه شــــفت بيها المنيه
******
عـــلـى التل اوگفت واحنيت الظلوع
صحــــت يحسين گوم ورد الجموع
ورخصت يا شهم من عيني الدموع
بــــس الصـــده يــنابيني من أهتف حـــرت مـــدري دمع لو دم أنشف
والـــــونه الشــجيه شفــــت بيها المنيه
* * *
أدري الـــدهر متــــشمت ابـــحالـي
لمّــــن ســــال دمـــعي الچان غالي
خـــــلاني زمـــــاني ابـــــغير والي
وأشــــد كـــل نايبه وكل هاي الآلام رحــــت مــــتيسره للكوفه والشام
وعــــيالـــي الـسبيه شفـــت بـيها المنيه
play_arrow
play_arrow
play_arrow
play_arrow
play_arrow
play_arrow
تعليقات