بالخيم نار يا عباس - مكتوبة

القصيدة : بـالـخـيـم نار... يعباس يعباس
الشاعر : السيد عبدالخالق المحنّه

الرادود : الحاج ملا باسم الكربلائی

بـالـخـيـم نار... يعباس يعباس
قـلـبـي مـحتار... يعباس يعباس
مـا  بينك و بين...أطفالي و حسين
******
حرت  ما بين أجيك و أشكي حالي
و  أشـوف إمن الخطر فرت أطفالي
و  أبـو الـسجاد وضعه شغل بالي
يـخـويـه  و الـشمر ينده تعالي
سـيـفـه  بيده  ...يعباس يعباس
حـز  وريـده  ...يـعباس يعباس
عني  رحت وين ...أطفالي و حسين
******
الـشـمر  شفته يخويه فوق صدره
يـصـيح  إهنا يزينب إخذي نظره
إخـوج حـسـين هسه أحز نحره
و إذا عـبـاس يـقدر خل يحضره
و  آنـي نـاديت ...يعباس يعباس
و  إنـت ما جيت... يعباس يعباس
ذبـحـوني مرتين...أطفالي و حسين
******
ركضت إعله النهر و إدموعي تجري
و أصيحن وين أخويه الكفل خدري
ثـلث  مرات  خويه إنكسر ظهري
أريـد  أبدي  العتب لتقول إصبري
ظـهري  مكسور  ...يعباس يعباس
قـلـبـي مجمور ...يعباس يعباس
خـل تنظر العين...أطفالي و حسين
******
صـدق  ما  تقعد و زينب تحاجيك
تـره  إمـتوني  زرق بسما أراويك
أنـا  من ضيم روحي أعتب إعليك
يـبـو الغيره و عتب زينب يأذيك
إلـمـن إنـروح ...يعباس يعباس
إنـت  مـطروح  ...يعباس يعباس
مـنتظره  جفين...أطفالي  و حسين
******
عـلـه بـخـتك يبو الغيره ولونه
إجـونـه و شـتّـمونه و سلبونه
رقـيـه إتـصـيح وين الضيعونه
يـسـكـنه وين عمنه ووين أبونه
إرجـع إويـاي ...يـعباس يعباس
رايـتـك هـاي... يعباس يعباس
ضـيعت الأثنين ...أطفالي و حسين
******
يـخـويـه تدري بالقوم إشيقولون
عـجب وين الكفل خدرج يسألون
أزعـلك  لو قلت قاموا يضحكون
يـزيـنب  نومه أخوتج ما يقعدون
شـفـت الأهوال ...يعباس يعباس
هـا يـكـفـال ...يعباس يعباس
يـا سطرة البين ...أطفالي و حسين