للشاعر : المرحوم الشيخ سعيد الشيح علي الكربلائي
بـرهـان الـسـفـاره.... دسـتـور الإماره
مـسـلـم هـمـته وعزمه.... للدين ولإبن عمه
بــــرهـــان الـــســـفـــاره
******
هـاك تـصوّر الكوفه او وصفها..... وتبصّر بياني
شـوف الـدمر بسيفه وتلفها.... وشاهد هالمعاني
ارواح الـزلـم منهو اللي خطفها..... والما إله ثاني
صـنـديـد الـحـرايـب..... وانشبها النوايب
لـيـث الـدرع ما يضمه..... للدين ولإبن عمه
بــــرهـــان الـــســـفـــاره
******
إستارث من علي روح الكرامه..... ودستور المروّه
فرع من لب الأصل تاه بنظامه.... ومنهاج الأخوه
حـيـدر وبأحد شدة حسامه..... أنشبها الفتوه
تـدري بـالـضـيـاغـم.... وبـيوم الملازم
تـنـزل عـالـشرك نقمه.... للدين ولإبن عمه
بــــرهـــان الـــســـفـــاره
******
فـرعون الشرك صدر بيانه..... من گصر الإماره
نـعلن حرب ويه أهل الديانه...... مرسومه وقراره
مـسـلـم يشبه موسى لكيانه.... إيمانه ومداره
مـوسـى بحرب فرعون.... ومسلم ساعة الكون
وگلـبـه من الصخر صمه.... للدين ولإبن عمه
بــــرهـــان الـــســـفـــاره
******
عـن أهل الوفه هاك إخذ نظره..... وبيوم الحرايب
حـيـدر والنبي وافاه بأمره..... ماهاب النوايب
مـسلم همته لمهجتة الزهره...... صابر عالمصايب
هــذا الأمــر .... بـيـه لازم ومـلـزوم
وشـوف الـمـايـعز دمه.....للدين ولإبن عمه
بــــرهـــان الـــســـفـــاره
******
إنشد الكوفه والدهر والأبطال..... ياهو النزل هاها
ويـاهـو بـالحرب گطع الآجال.. وبسيفه علاها
هـذا بـالوغه لا تظن (....) ... من گبر نداهها
هـذا الـبـيـه عـلايم.... صل من ظهر هاشم
يـطـش الـحـرب ويـلمه... للدين ولإبن عمه
بــــرهـــان الـــســـفـــاره
play_arrow
play_arrow
play_arrow
play_arrow
play_arrow
play_arrow
تعليقات