لطمية بصبرك عاش چم أيوب مكتوبة
الرادود باسم الكربلائي
بصبرك عاش چم أيوب
يوم الشيعت روحك
على الزهره يبوالحسنين
تملي المگبرة جروحك
صبر ايوب بمصابك
لعشر صبرك ميوصلك
صاير على الزهره اشلون
ياحيدر جــرح كلك
أحس بالعافيه صعبه
على الفاگدها تندلك
يالمشيع ضوه سنينك
مدري انته المشيعينك
الدنيه ماتت ابعينك
الدمعة اتوضت ابخدك
عمرها ابگد عمر نوحك
من استرجع ايامك
اگولن هوه معقوله
الكاسر ظهر كل صنديد
عجيبة من منكسر طوله
علي للمثلك استغرب
يصبر من يگلوله
نظر عيناك شو شيب
وظهرك منحني وحدب
اشصايرلك يبو زينب
لچن حگك على الزهره
تموت انچان مسموحك
مرابع حيلك ابيا صوب
مصابك ياعلي ايهدها
وروحك من بعد روحك
بس الله اليساعدها
اشيهود الشاف غاليته
زراگ الصاير ابخدها
مكان القرط دم نابع
وشفت بالناظر الدامع
ضلع من الجسد طالع
عجب ما وگفت انفاسك
يحيدر من كثر نوحك
منهار ونهارك صار
ابعينك ميتة شمسه
چم موته يغالي اتموت
ضلعها لمن اتلمسه
اليفرزن گال بالتابوت
نفسه شيعت نفسه
تمشي وصدگ تتعثر
من اشوكت ياحيدر
اعله چتفك ليش دم احمر
دم صدر الزچيه ايسيل
لو تنشيف دم موحك
ادفنت ضحكاتك الحلوة
وسط الگبر عمرك راح
وصورة فاطمه ابعينك
بس هاي الي ما تنزاح
حگه اليفگد إعزازه
يابوحسين مايرتاح
رجعت الدار خيعونك
المنيه غيرت لونك
دمع مستوطن اعيونك
ودون السافر الميعود
سلامه ماظن اتلوحك
الله ايساعد اجروحك
الفاطم هيج تتألم
شلون ولو شفت زينب
تركض وسط المخيم
تشوف بنحر أخوها حسّين
تصبغ راسها بالدم
لون شايفهن أرد اسأل
ابحالك ياعلي اشيحصل
بناتك ركبت الهزل
وروحك تنقبض مرتين
ابجرح السبي ومذبوحك
play_arrow
play_arrow
play_arrow
play_arrow
play_arrow
play_arrow
تعليقات