توضت زينب - مكتوبة

قصيدة : توضت زينب بدمعة

الشاعر : سيد عبدالخالق المحنة

المناسبة : ليلة ٢٠ محرم ١٤٣٩ العاشور

طور : قبل_متروح_وتهاجر

توضت زينب بدمعه

و لكن يا صلاة حَلّت

صلاة بِـ نِيّة مسافر

نشوف شكم فرض صَلَت

فروض هواي .. إحسبوا وياي

?????

على رماد الخِيم صَلّت

نِوَت بچفوفها الزَرگة

دُخان و خيمة العباس

آخر خيمة محترگة

جلوس تصلي يم النار

لچنها هواي مختنگة

تشاهد بين نار و نار

نهاية شمعه مِعتلگة

فرض كم سجدة ما أذكر

أَحَسِّب و انشغل بالي

لَچِن آخر سجود إلها

سِجْدَت يم مهد خالي

بِدَت من هاي .. احسبوا اوياي

?????

فرض بين الخِيم و الماي

تصلي و الدمع هامل

تصلي و كَبُرَّن چَفِين

هذني چفوف ابو فاضل

طويلة سجدة المهضوم

و أنا وياها متفاعل

يلاهي بوجه زينب ليش

چف صاعد و چف نازل

شفتها تلطم بـ حُرگة

وأَحِير شلون أوَصّفها

كأنها وي كل لطمة

وجهها يُوگع بچفها

بعد يمناي .. احسبوا وياي

?????

فرض ثالث نِوَت عالماي

نعم أطول فرض شفته

تصلي و القمر محراب

فرش صدره بصلاة إخته

بكثر تسبيحة الزهراء

لطمها و هي شابُگْتَه

متنها من نَزِف دمَه

جرت نهرين خاصِرته

تگله بداعتي اگعد

جسم عباس ظل يهتز

لَمَنْ گامت أحس عباس

يريد يقوم بس يعجز

فرض عالماي احسبوا وياي

?????

وُقوفاً صلٌت الرابع

لأن چان الشمر يمها

ضربها بُغضاً بعباس

تِطيح و سوطه يلزمها

إذا تلفظ حَرُف واحد

ألف مرة يشتمها

هيّه تحشم الكافل

و بوفاضل يحشمها

دخيلج لا تخلينه

يشوف دموعج و يفرح

ترى ضحكاته تاذيني

أشد من لحظة المذبح

بِلا حمّاي .. احسبوا وياي

?????

فرض خامس شِفت صلت

تسعمية و ألف سجدة

تخلي بكل جرح دمعة

تخلي بكل كسر شدة

صعوبة تبوسه من صدره

لأن فوق الصدر چبده

تبدل جسم مثل الماي

تشبگه تشوفه يتبدل

تعد شكم عضو رايح

عظام هواي متطشره

و المثلث أخذ قطعه

و أصابع تسعة مو عشرة

يبعد عضاي .. احسبوا وياي

?????

بعد صلت فرض سادس

لَچِن متحيرة و تفتر

تحب حسين هالعاري

وهي تحب الحجاب اكثر

تِغطي بالرمل لو لا !

تعوفه مكشّف بهالحر

أخيراً جابت الرايه

و غطت بيها بو الأكبر

حوافر خيلهم حمره

إذاً مصبوغه من دمه

و لا عنده عظم صاحي

ثلث ما باقي من جسمه

صحت بهداي .. احسبوا وياي

?????

فرض سابع على الهِزّل

حرارة صيف ظُهْرِية

صلاة چانت فرد سجده

لأن صلتها محنيه

رقية تناشد اسكينه

سبيه تحاچي مسبيه

تِگلها عمتي هذي !

يسكنه ما أظن هيّه

تميل الروس وياها

إذا مالت و إذا تِندب

وگع راس القمر مره

سمع زينب عليه تعتب

فرض بسباي .. احسبوا وياي

?????

فرض ثامن و أريد أختِم

أحس زينب تگول إرجع

تِگِلي كَثِّر أشعارك

يطيب خاطري المدمع

يشاعر گول اخت عباس

غصب بين الزلم تطلع

وأريد اتْحَشّم المهدي

يصيح بثاري من يفزع

أريد الهوسة بالممشى

تگلهم ها يَ مشايّه

تسلم زينب عليكم

خصوصاً شايل الرايه

فرض ممشاي .. احسبوا وياي

?????