قصیدة : راية علي راية علي
الشاعر : علي الخفاجي
الرادود : الحاج ملا جلیل الکربلائي
راية علي راية علي...بيدك يمسلم تعتلي
******
فوق هامات الثُرية رايتك عليها...حسين ابن عمك يمسلم بيدك امخليها
انت حر و هاي جلمه للزمن نحجيها...لازم أهل الكوفة تعرف زودها و ماضيها
من تعتلي من تعتلي...صوت انتصاراتك بلي
******
خلي ميدانك الدنيه تشهد المعروفة...راية الكرار عمك بالنصر محفوفة
اطبع جفوفك عليها من تطب للكوفة...خلهم يقولون مسلم علي ثاني انشوفه
واضح جلي واضح جلي...موقف خلودك ظل جلي
******
يا سفير حسين تبقه للعهود احجايه...بيدك اليوم القيامة ما تطيح الراية
ما تموت و ثار دمك منهج الوفاية...و للشهادة النصر تعني و الهدف و الغاية
صوت الولي صوت الولي...ترجم شعورك يالولي
******
ظلت ابجفك يمسلم رايتك مرفوعة...يوم صاحت آل أمية ثورتك ممنوعه
صرخة مسلم جانت عالية و مسموعة...كتبت الكوفة مواقف بين هاني و طوعه
ما ينجلي ما ينجلي...موقف ما ينجلي
play_arrow
play_arrow
play_arrow
play_arrow
play_arrow
play_arrow
تعليقات