زينب يا دهر زينب تراني ضيعني زماني - مكتوبة

قصیدة : زينب يا دهر زينب تراني

الرادود : الحاج ملا باسم الکربلائي  

زيـنـب يـا دهـر زيـنـب تـراني ..... ضيعني زماني
أهـل  الـشـيـم  عـافـوني ..... ابدار الغرب خلوني
و  سـهـمـك يـا دهر بالطف رماني ..... ضيعني زماني
******
يـا دهـر زيـنـب تـرانـي و مـا يـهـمني المصايب
ابـعـيـنـي  شـفت ابدور أهلنه اموسدين اعله الترايب
و انـتـه تـدري يـا زمـانـي جم بدر من أهلي غايب
أول  مـصـاب الـلي جره ..... شاهدت الأكبر عالثره
و  الـروح ظـلـت حـايره ..... من كثر جور النوايب
إقـبـالـي  يـا دهر مصيوب الأكبر ..... و إقبالي توذر
و  انـتـه  يـا دهـر تـدري ..... بفراقه خلص عمري
امـصـاب الأكـبـر و فـقده ولاني ..... ضيعني زماني
******
يـا دهـر ثـانـي مـصـيـبـه خـلـت الدلال هايم
إقـبـال عـيـنـي بـالـحرايب طفو شمعة عرس جاسم
شـاب و ابـمـطـلـع شـبـابـه انشوفه عالتربان نايم
اسـيـوف  الـحرايب زفته ..... و من دمه صارت حنته
و  الـقـوم طـفوا شمعته ..... و فجعوا اكَلوب الفواطم
تـدري يـا دهـر من عقب جسام ..... خانت بينه الأيام
و لـمـن طـفـوا اشـمـوعه ..... ظلت رمله مفجوعه
و ابـفـقـده انـهـدم بالطف كياني ..... ضيعني زماني
******
يـا  دهـر ثـالـث مـصـيـبـه افقدنه حماي الضعينه
و ريـت سـهـم الـصـاب عينه ايصيب عيني قبل عينه
و بـالـعـمـود انـهـشم راسه و قطعوا يساره و يمينه
لـو  مـا فـقـد راعي العلم ..... ما تنسلب هاي الحرم
و لا تـلـتـهـب نـار الخيم ..... وليه من عقبه انولينه
صـابوا  عينه و انقطعت الجفين ..... وين أنطي الوجه وين
طـاح  اعـلـه الـنـهر جسمه ..... و راحت رايته يمه
مـا أنـسـه جـفـيـلي و لا نساني ..... ضيعني زماني
******
يـا  دهـر رابـع مـصـيـبـه خـلـت ابدلالي جمره
و  غـيـبـت  روحـي و مـهجتي و حاير الدلال بأمره
يـا  دهـر شـايـف رضـيـع و بـالسهم ينقطع نحره
يـا ذنـب عـنـده هـالطفل ..... بالسهم نحره ينفصل
يـا  ريـت قـبـله أنجتل ..... و غاب عمري قبل عمره
نـبلة  حرمله صابت الدلال ..... و دمعي امن الجفن سال
و  أمـه اتـصـيـح يـا الغالي ..... يا وسفه المهد خالي
هـاي الـصـرخـه من قلبي و لساني ..... ضيعني زماني
******
يـا  دهـر و الـخـلـه هـاي الـدنـيه بعيوني مظلمه
انـهـدم  حـيـلـي و ذاب قلبي من رجع مهر ابو اليمه
ايـدور بـحـدود الـمـخـيـم جن ندهني و رحت يمه
نـاديـتـه  و  ايـهـل الدمع ..... ابرجعته قلبي منفجع
جـاوبـن  دخـرج مـنصرع ..... عالترب و يسيل دمه
رحت اويه المهر و ادموعي بالعين ..... رحنه المصرع حسين
شـفـت  حسين  عل الغبره ..... دامي و منسحق صدره
صـحـت  ابـصـوت يا ريتك تراني ..... ضيعني زماني
******
ارجـعـت مـن يـم أبـو اليمه و الدموع اتفيض من دم
لا  أهـل لا إخـو عـنـدي و لا جـفـيـل و لا مخيم
و دايـر الـعـسـكـر عـلـينه و هذا ليل الحزن خيم
لا خـيـم لا و والـي إلـي ..... لمن قطعوا بالطف هلي
اتـوجـهت  للوالد علي ..... صحت صيحه ابحزن و بهم
ويـنـك يا علي يا داحي الباب ..... صرنه ابين الأجناب
مـنـهُ الـيـحـرس الـعـيله ..... هالليله و أشد ليله
امـصـاب  الأهـل  يـا حيدر دهاني ..... ضيعني زماني
******
هـذا لـيـل الـحـزن يـمـضـي و المهج بالنار تسعر
و  مـن  يـطـر مـصـبـاح بـاجر لليسر تطلع الخدر
تـرضـه  يـا بـا الـحسن ترضه اعله الهزل تطلع يحيدر
و  الـيـسر يا بويه اليسر ..... أصعب و أشد من كل أمر
دلالـي مـا يـحـمل صبر ..... و عالهضم ما أظن يقدر
تـرضـه  يا  علي للكوفه و الشام ..... تطلع هاي الأيتام
ريـتـك تـنـظـر الـحـالـي ..... محتاره و بلا والي
أصـبـر و أدري صـبـري ما كفاني ..... ضيعني زماني