صاح ابو محمد صاح يا ضواعيوني - مكتوبة

الشاعر : المرحوم الشيخ كاظم منظور الكربلائي

صـاح ابو محمد صاح.... يا ضوه عيوني
گلبي  بالسم إبتلى.... وعينك على العايله
يــا   ضــوه   اعــيــونــي
******
صـاح  ابـو محمد..... صد لي يابن أمي
مـا سـوى الـمـعـبود.... يعلم بهمي
شـاهـد بـعـينك.... هل نشف دمي
گوم لـم أهـلك گوم.... خل يودعوني
وهاي إلي متسجله.... وعينك على العايله
يــا   ضــوه   اعــيــونــي
******
حـن ابـو الـسـجاد.... وانتحب يمه
وشـاف ابـو مـحمد.... بيه مضى سمه
والـحـسـن دنـّاه.... وبـالنحر شمه
تـعـلـم ومـا يخفاك.... غدر چتلوني
والـمصاب  تمثله.... وعينك على العايله
يــا   ضــوه   اعــيــونــي
******
مـودعـه عندي ...... من أمك الزهره
بـذمـتـك  صارت....  زينب الكبرى
تـحـمـل خـلها وياك.... للصبر أمره
يـابـن  ابويه وبحشاي.... ثگب چانوني
وچبـدتي  متمثله.... وعينك على العايله
يــا   ضــوه   اعــيــونــي
******
هـاك إخـذ يـاحـسين..... ثمر دلالي
جـاسـم  وصـريـت.... بـيه آمالي
لـلـربـه  يـوافـيـك... بدمه الغالي
صـاح لـحـسين يكون... ينذبح دوني
والـشهاده بكربلا... وعينك على العايله
يــا   ضــوه   اعــيــونــي