صحت وأصفق بديّ يا حماي الحمية - مكتوبة

الشاعر : السيد سعيد الصافي الرميثي

صـحـت  و أصـفـق بيديه ...يحماي الحميه
نـفـذ صبري ...شلي إبعمري ...يحماي الحميه
******
بـويـه  لـو  صـوتي تضيعه من لهموم الثجيله
يـا  عـلـي آنـه الـغريبه زينب الحره العقيله
بـويـه  و  الـعنك أعرفه بالشدد حامي دخيله
و مـا بـعـد غيرك يبويه الأتجه له و أشتكي له
و إخـوتـي إبـهـالمسيه ...ضحايه إعله الوطيه
حـرت بأمري ...شلي إبعمري ...يحماي الحميه
******
يـا عـلـي و قصة عذابي لو إلك أروي خبرها
تـبـتـدي مـن يـا مصيبه بتك الظالم دهرها
إعـيـوني من كثر البواجي يا علي فقدت نظرها
و  الـجـروح الـبيه بويه تركضت إبقلبي أثرها
تـمـنـيـت الـمـنـيه ...و عمر ما ظل إليه
إبـدمع  يجري ...شلي إبعمري ...يحماي الحميه
******
مـا  أظـن بـالدنيه حرمه يقترن وي همي همها
و منو مثلي إبحيره طاحت و لا إخو و لا والي يمها
مـن الـرعـب فرت يتامه ساعة الحرقوا خيمها
و  عـايـله  الجانت عزيزه إمقبعه الليله إبهضمها
الـيـتـامـه إبـكل ثنيه ...و أشوف الفاطميه
عـلى  كتري  ...شلي إبعمري ...يحماي الحميه
******
يـا  عـلي إخيول آل أميه ساعة الهجمت علينه
إبـكـل  كـتـر فرن أبويه يا علي وليه إنولينه
هـاي  التصيح إنهضمنه و ذيج التصيح إبني وينه
و آنـه يـبـويـه نـدبتك لينه إحضر يا ولينه
يـخـو الـهـادي ووصيه ...لفتنه إخيول أميه
و أظـن تدري ...شلي إبعمري ...يحماي الحميه
******
بويه  كل  ساعه مصيبه يا علي و كل لحظه خوفه
و آنـه أفـتـر عاليتامه و ينسحق طفل الأعوفه
بـويه  لو  قلت لي جفيلج حاضر و حالج يشوفه
عـالـنـهر  يا بويه نايم يا علي و قطعوا جفوفه
أبـو  الـروح  الـوفـيه ...و أبو النفس الأبيه
طـلب عذري ...شلي إبعمري ...يحماي الحميه
******
يـا  علي  إشبيدي و زماني من أبو فاضل حرمني
و مـن إجيت إبعهده أبويه و الدرب كله إلتزمني
يـمـي لو حاضر جفيلي من قدر بويه إيهضمني
و لا يـضربوني إعله متني ولا جسر واحد شتمني
ولـتـنـي الـغاضريه ...و عقب خدري سبيه
إبـظلم دهري ...شلي إبعمري ...يحماي الحميه