عباس حامي ظعنّه - مكتوبة

الشاعر : المرحوم الشيخ عبدالحسين أبو شبع

عـبـاس  حـامي ضعنه...عباس رجوت أملنه
لـلـمـاي  قـالوا  تعنه...عباس حامي ضعنه
******
كـل طـفـل ظـل إيـردد ابـهـالـجلمه
إيـلـوج إبـعـطـش قـلـبه و يفور إبدمه
إمـن الـخـيـمـه مـشـبوحه لعيون العمه
و الأمـل كـل سـاعـه و يـجـي إعله يمه
و إتـصـيح قامت إسكينه...الله و أكبر ضمينه
عـبـاس ويـنـه يهلنه ...عباس رجوت أملنه
******
صـاحـت قـبـل سـاعـه إقـبالي موجود
عـمـي  و  زيـنـب سـلـمت بيده الجود
قـالـت  لـه  يـا بـا الفضل يومك مشهود
و بـمـثـل هـذا الـيـوم وصـاك الـعود
هالجود جان إويه عودك...و اليوم صار إبوجودك
وشـقـال والـدك عنه ...عباس رجوت أملنه
******
قـالـت  لـه سـولـف يـو دريت إبهالحال
مـن الـعـطـش قـامـت تـموت الأطفال
و إعـلـيـك مـعـقـوده جـمـيع الآمال
نـعـطـش  إشـلـون  و عندنه مثلك خيّال
و  موجود جودك إويانه...يا خوي تدري بضمانه
عـبـاس  ساعه  و قتلنه ...عباس رجوت أملنه
******
قـالـت اسـكـيـنـه شـفت عمي إبعيني
نـاده يـزيـنـب رايـح و شـوفـيـنـي
الـوعـد سـاعـه بـيـنـج و مـا بـيني
و أسـقـي الـعـطـاشـه و بـالخيم تلقيني
و  الـعـين تربي إعله دربه...و الماي يمته نشربه
مـنـقـول أيـسنه منه ...عباس رجوت أملنه
******
إسـكـيـنـه بـأمـلها و زينب التربي العين
و بـكـل أمـل مـا تـشـعر أطفال حسين
تـلـقـاهـا  مـلـتـمه إعله زينب صوبين
و  كـل طـفـل يـصرخ وين أبو فاضل وين
مـا  راح  واحد يخبره...و يشوف غايته و فكره
و  إنـخاف ما يرجع إلنه ...عباس رجوت أملنه
******
و زيـنـب إبـحـيـره و بـقـلب يتصدع
تـطـلـع  امـن الـخيمه و تشوف و ترجع
شـتـسـكـت الـمـرضـع تـجي لليرضع
ويـن  الـتـريـد  إتـروح ضـجـه تسمع
و  لن هاي تحمل طفلها...و إتشوف تندب أهلها
و  إتـصـيح يهل المَحّنه ...عباس رجوت أملنه
******
هـذا طـفـل بـالـمـهـد يـلـعي إتخليه
تـلـقـه طـفـل ثـانـي تـجـي تنظر ليه
إيـدور رمـل بـارد يـحـط قـلـبه إعليه
هـذا  بـأمـل عـمـه تـجـيـه إتـسليه
و إقـبـال زينب ينادي...بضماي بورح أفادي
أطـفـال  يبست  لِسّنه ...عباس رجوت أملنه
******
قـام الـطـفـل مـن يـحـس واحـد يمه
إيـشـب إبـلـهـفـتـه إيظن إجه ليه عمه
إيـفـك عـيـنـه لـن يـنظر إجت ليه أمه
يـسـألـهـا عـن عـمـه و يحس إبصدمه
و إشـلون عمي نساني...و إضماي يبّس إلساني
أتـنـاه لـو ما كو ظِنه ...عباس رجوت أملنه