عيوني و عيونك يابن حامي الحمه - مكتوبة
السید حسن الکربلائي
قصيدة : اعـيوني واعيونك يبن حامي الحمه
للشاعر : هيثم سعّودي الكربلائي
الرادود : السید حسن الکربلائي
اعـيوني واعيونك يبن حامي الحمه اشّـافـت امصايب رهيبه او مؤلمه
******
آنـه زيـنب وافتح الحزني كتاب واشـرح ابـصفحاته أيّام العذاب
چم مـصاب المر علينه چم مصاب والـدهـر بـيـنك او بيني قسّمه
******
آنـه وانـته شفنه من بعد الرسول اشلون هجمة غدر هجموا عل بتول
او چنّـي لـسّه أسمع الزهره تگول الـيـاسـبب ظلموني وآنه فاطمه
******
او شفنه أُمنه اتنوح واتصيح ابونين اكسرتوا ضلعي الياسبب يا مجرمين
شنهو ذنبي او شنهو ذنبه الهل جنين سگط مـنّـي والـعـمر ما تمّمه
******
وآنـه وانته الشفنه بالكوفه العجب راس ابـونه ابيوم بالسيف انضرب
او شفنه طيحة حيدره ليث العرب او صـارت الـدنيه علينه مظلمه
******
واحـنه الاحضرنه الحسن بمصيبته مـن سـمـعنه ابجعده يوم السمّته
او شفنه طشت اللّي لفظ بي چبدته او شـفنه نعشه اشلون بسهام انرمه
******
وآنـه وانته الشفنه بالطف نايبات حـر جـمـرها ما يطفّيها الفرات
امـصـايب اتهدّ الجبال الراسيات او كل مصيبه اتزلزل اركان السمه
******
وآنـه وانـته الشفنه أنصارك تطيح جـثـث مـابـين المطبّر والذبيح
او شـفنه عدوانك تناديها او تصيح هـذا يـوم الـثـار يوم الملحمه
******
وآنـه بالطف صرت اركض نايحه او شـاهدت عينك عالاكبر شابحه
امّـدّده او تـقـره عـليه الفاتحه او تـنـظر الجثّه الصفت متخذّمه
******
وآنـه وانته تحت حر هاي الشمس شـفنه جاسم لابس اثياب العرس
لچن ثـوب الـعرس بالدم منغمس او شـفـنـه چفّه اللي تحنّه بالدمه
******
وآنـه وانته الشفنه فوگ المشرعه چثّـة الـعـبّـاس أخونه اموزّعه
او عينه مصيوبه او چفوفه امگطّعه او شـفـنه جوده المرتمي يم صارمه
******
وآنـه وانـتـه الشفنه نبلة حرمله الـصـوّبـت نحر الرضيع ابكربله
او شفنه رگبه امن الگماط امدندله والـرضيع ابدهشه يضحك مبسمه
******
آنـه وانـتـه الشفنه يبن المصطفه مـن تـعـنّه الشمر ليك ابمرهفه
والـنـحـر يا خويه حزّه من گفه او راسـك الاءبـن الدعيّه سلّمه
******
آنـه وانـتـه يـمن لعيوني ضوه هـل مـصايب كلها شفناها سوه
لچن وحـدي شفت شوفه ابنينوه اشلون شوفه الصابت اعيوني ابعمه
******
شـفـت راسك عالرمح يابن علي يـجري دمّه او ناظرك مشبوح اءلي
اهناكَ خويه اضربت راسي ابمحملي حـته مثلي اتشوف راس ايخر دمه
play_arrow
play_arrow
play_arrow
play_arrow
play_arrow
play_arrow
تعليقات