لطمية فاطم يفاطم مكتوبة
الرادود باسم الكربلائي
فاطِم يَفاطِم لو شِفِت باب إشتَعَل نار
لو شِفِت بِسمار
أذكُر يَلَبوَة حيدره بابِچ الحرگوهه
لوشِفِت نيران أشوفَن بابِچ المشتعله ناره
وأحتِرِگ وَلعَن أيادي المارَعَت ذاك إعتباره
باب چانَت من يدِگها الوَحي إيقدمِلها إعتذاره
حَتّه النَبي لَمّن يمُر عالباب يوگف ينتظُر
لَمّن يجي مِنّچ أمُر رَغِم هاي الدار داره
جبريل يوگف ينتظر فاطِم على الباب
خافَن بَله إحْجاب
وأهل السقيفه المُجرمه إبْلا خَجَل دفعوهه
آيه نَزّلها المُحَمّد بالقَدُر رَب الرساله
المايجِل قَدرِچ يفاطِم مايجِل لَفْظ الجلاله
وإنتي آله المايصلّي إعليچ ماصَلّه إعله آله
يافاطِمه إومِنّچ ظَهر نور الإمام المُنتظَر
ياشجرَة الإثنى عَشَر والنبي ابكامل خصاله
ياسِر محمّد ياشَمِس كِل شجرة النور
ياصوت عاشور
وأسمائچ إبساق العَرِش آيات حفظوهه
فاطمه إومِن خبر موتِچ وصل حيدر يالشهيده
علي الشايل باب خيبر يوم شالِچ رِجفَت إيده
الما يعوفچ چان وحدچ بالگبر عافِچ وحيده
مِن لَبِّسِچ بيده الچِفن لوبيده وَيّاچ إندِفَن
مِن حُبّه إلِچ يَم الحَسَن چنتي أقرب من وريده
يافاطمه اودمعَة علي مافارِگت عين
يَم حَسن وحسين
دمعاته واليوم الاجَل بعيونه شافوهه
نار باب البيت صارت نار بگلوب اليتامه
والحمامه الچانت أمهُم محترِگ عِشها الحمامه
والظُلامه البيها عاشت عاشو ابنَفسْ الظُلامه
يَم الحسن ولدچ صُفَو نار إبشَمِع بس ما طِفَو
إبدم الشهاده إتخَضّبَو شاهد اليوم القيامه
يافاطمه وطف السبي بي زينب إتصيح
لو طحنه مَنطيح
مِثْل الجبال اعله الارض بالغَدُر ذبحوهه
play_arrow
play_arrow
play_arrow
play_arrow
play_arrow
play_arrow
تعليقات