قرآن بسفر واربع تراتيل - مكتوبة

قصیدة : أربع تراتيل
الشاعر : علي السقاي

الرادود : الحاج ملا باسم الكربلائي 

المناسبة : ليلة 4 محرم 1436 هـ

في حسينية المرحوم الحاج داود العاشور

ﻗﺮﺁﻥ ﺑﺴﻔﺮ ... ﻭ ﺃﺭﺑﻊ ﺗﺮﺍﺗﻴﻞ
ﻣﺎ ﻋﻨﺪﻙ ﺧﺒﺮ ... ﻋﻨﻬﻢ ﻳﺠﺒﺮﻳﻞ
ﺩﻋﻴﺖ ﺍﻟﻠﻪ ﻭ ﻧﺒﻴﻪ ...ﺍﻟﻮﺣﻲ ﻳﻨﺰﻝ ﻋﻠﻴﻪ
ﻣﺎ ﻋﻨﺪﻙ ﺧﺒﺮ ﻋﻨﻬﻢ ﻳﺠﺒﺮﻳﻞ
ﻋﻦ ﻃﻴﺒﻪ ... ﻃﻠﻊ ﻗﺮﺁﻥ ﻳﺴﻌﻲ ﻭ ﻫﺠﺮﺗﻪ ﺍﻟﺪﻧﻴﻪ
ﻫﺎﻟﻐﻴﺒﻪ ... ﻋﻠﻲّ ﻃﺎﻟﺖ ﻭ ﺃﻗﻮﻝ ﺍﺗﺄﺧﺮ ﺍﺑﺴﻌﻴﻪ
ﻭ ﺑﺮﻳﺒﻪ ... ﺗﻤﻮﺕ ﺍﻣﻦ ﺍﻟﺮﻋﺐ ﺭﻭﺣﻲ ﻭ ﺗﺮﺩ ﺗﺤﻴﻪ
ﺷﻴﺠﻴﺒﻪ ... ﻗﻠﺖ ﺃﺳﺄﻝ ﺃﻣﻴﻦ ﺍﻟﻠﻪ ﻋﻠﻰ ﻭﺣﻴﻪ
ﺑﻬﺎﻱ ﺍﻟﻘﺎﻓﻠﻪ ... ﻗﺮﺁﻧﻲ ﺍﻟﺤﺴﻴﻦ
ﺗﺮﺗﻴﻠﻲ ﺇﻟﻪ ... ﺑﺎﻷﺭﺑﻊ ﺍﺑﻨﻴﻦ
ﺃﺭﻓﻌﺖ ﻟﻠﺮﺏ ﺍﺩﻳّﻪ ...ﺍﻟﻮﺣﻲ ﻳﻨﺰﻝ ﻋﻠﻴﻪ
ﺃﺳﺮﺍﺭﻱ ... ﻳﺠﺒﺮﻳﻞ ﺇﺑﺘﺪﺕ ﺑﺎﻟﺨﻠﻘﻪ ﻭ ﺍﻟﻤﻨﺸﺄ
ﺑﺄﻋﺒﺎﺭﻱ ... ﺃﺳﺄﻟﻚ ﻋﻦ ﺇﻣﺎﻣﻲ ﻭ ﻋِﻠّﺔ ﺍﻟﻤﺒﺪﺃ
ﺃﻓﻜﺎﺭﻱ ... ﺗﻤﻮﺝ ﻭ ﻗﻠﺒﻲ ﺑﺎﻟﺸﺮ ﺻﺎﺭ ﻳﺘﻨﺒﺄ
ﻭ ﺑﺪﺍﺭﻱ ... ﺃﻧﺎ ﺍﻟﻠﻲ ﺭﺍﺡ ﺃﻗﻠﻚ ﻳﺎﻟﻮﺣﻲ ﺇﻗﺮﺃ
ﺍﻗﺮﻩ ﺍﻟﻠﻲ ﺟﺮﻩ ... ﺑﺴﻢ ﺍﻟﻠﻪ ﺳﻮﺍﻙ
ﺣﺴﻴﻦ ﺍﺷﺄﺧﺮﻩ ...ﻳﺎ ﺳﻴﺪ ﺍﻷﻣﻼﻙ
ﺍﺑﺤﺮﺍﺋﻲ ﻫﺎﻟﻤﺴﻴﻪ ...ﺍﻟﻮﺣﻲ ﻳﻨﺰﻝ ﻋﻠﻴﻪ
ﻣﺎ ﻋﻨﺪﻙ ﺧﺒﺮ ﻋﻨﻬﻢ ﻳﺠﺒﺮﻳﻞ
ﺗﻌﺮﻓﻨﻲ ...ﻭ ﺃﻋﺮﻓﻚ ﻳﺎﻟﺠﻨﺖ ﻋﻨﺪ ﺍﻟﻮﺻﻲ ﺧﺎﺩﻡ
ﺷﺮﻓﻨﻲ ... ﻋﻠﻲ ﺑﺄﻡ ﺍﻟﺒﻨﻴﻦ ﻭ ﻫﺎﻟﻠﻘﺐ ﺩﺍﻳﻢ
ﻳﻜﻠﻔﻨﻲ ... ﺭﺣﻴﻞ ﺣﺴﻴﻦ ﻭ ﺍﻟﻠﻪ ﺑﺤﺎﻟﺘﻲ ﻋﺎﻟﻢ
ﻭ ﺑﺠﻔﻨﻲ ... ﻋﻠﻪ ﺍﺣﺪﻭﺩ ﺍﻟﺒﺠﻲ ﻇﻞ ﺩﻣﻌﻲ ﻣﺘﺰﺍﺣﻢ
ﻳﻮﻡ ﺍﻣﻮﺍﺩﻋﻪ ... ﻻﺯﻡ ﻟﻪ ﺣﺮﺍﺱ
ﺃﻫﺪﻳﺖ ﺃﺭﺑﻌﻪ ... ﻭ ﺃﻭﻟﻬﺎ ﻋﺒﺎﺱ
ﻭ ﺃﻧﺎ ﺑﻬﺎﻱ ﺍﻟﻬﺪﻳﻪ ...ﺍﻟﻮﺣﻲ ﻳﻨﺰﻝ ﻋﻠﻴﻪ
ﻣﺎ ﻋﻨﺪﻙ ﺧﺒﺮ ﻋﻨﻬﻢ ﻳﺠﺒﺮﻳﻞ
ﻣﻦ ﺣﻴﺪﺭ ... ﺣﻴﺎﺩﺭ ﺑﻴﻬﻢ ﺍﻟﺴﺎﺣﺎﺕ ﻣﻠﺰﻭﻣﻪ
ﻟﻠﻤﻨﺤﺮ ... ﻋﻠﻪ ﺍﻟﺮﺍﻳﻪ ﺍﻟﻘﻤﺮ ﻣﺎ ﻭﺍﺣﺪ ﺍﻳﺴﻮﻣﻪ
ﺃﺗﺼﻮﺭ ... ﻧﺰﻝ ﻣﻴﻜﺎﻝ ﻋﺠّﺞ ﻏﺒﺮﺓ ﺍﻟﺤﻮﻣﻪ
ﻋﺎﻟﻤﻌﺒﺮ ... ﻧﺸﺮ ﻋﺰﺭﻳﻞ ﺟﻨﺤﻪ ﻭ ﻋﺒﺴﺖ ﺍﺭﺳﻮﻣﻪ
ﻳﻔﺪﻭﻥ ﺍﻟﺪﻣﻪ ... ﺃﺑﻨﺎﺋﻲ ﻭﺻﻴﺖ
ﻇﻨﻮﺓ ﻓﺎﻃﻤﻪ ... ﻳﺮﺟﻊ ﺗﻤﻨﻴﺖ
ﺭﺩﺕ ﻋﻦ ﻫﺎﻟﻮﺻﻴﻪ ...ﺍﻟﻮﺣﻲ ﻳﻨﺰﻝ ﻋﻠﻴﻪ
ﻣﺎ ﻋﻨﺪﻙ ﺧﺒﺮ ﻋﻨﻬﻢ ﻳﺠﺒﺮﻳﻞ
ﻛﻞ ﺣﻴﻠﻲ ... ﺍﻧﻬﺪﻡ ﻣﺎ ﺃﺩﺭﻱ ﻟﻴﺶ ﺑﻌﺎﺷﺮ ﻣﺤﺮﻡ
ﺍﺭﻭﻱ ﻟﻲ ... ﺇﺫﺍ ﻋﻨﺪﻙ ﺩﺭﺍﻳﻪ ﻭ ﺑﺎﻟﺴﺒﺐ ﺗﻌﻠﻢ
ﻳﺎ ﻭﻳﻠﻲ ... ﺃﺣﺲ ﺑﺪﺍﺭﻱ ﺟﻦ ﺭﻳﺤﺔ ﺣﺮﻕ ﺗﻨﺸﻢ
ﻭ ﺑﻠﻴﻠﻲ ...ﺃﻭﻥ ﺍﺑﻼ ﺳﺒﺐ ﻭ ﺍﻣﺘﻮﻧﻲ ﺗﺘﺄﻟﻢ
ﻣﻦ ﺃﺭﺽ ﺍﻟﻨﺒﻲ ... ﻭ ﺍﺩﻳﺎﺭ ﺍﻷﺣﺒﺎﺏ
ﺃﺷﻌﺮ ﺑﺎﻟﺴﺒﻲ ... ﻣﺎ ﺍﻋﺮﻑ ﺍﻷﺳﺒﺎﺏ
ﺃﺭﻳﺪ ﺍﻟﻬﺎﻟﻘﻀﻴﻪ ...ﺍﻟﻮﺣﻲ ﻳﻨﺰﻝ ﻋﻠﻴﻪ
ﻣﺎ ﻋﻨﺪﻙ ﺧﺒﺮ ﻋﻨﻬﻢ ﻳﺠﺒﺮﻳﻞ
ﻇﻞ ﺣﺎﻳﺮ ...ﺩﻟﻴﻠﻲ ﻭ ﺍﻟﻴﺤﻴﺮ ﺃﻓﻜﺎﺭﻩ ﻣﻮ ﺑﻴﺪﻩ
ﺷﺎﻟﺼﺎﻳﺮ ...ﺃﺷﻮﻑ ﺍﺧﻴﺎﻝ ﺩﻡ ﺍﻳﻐﺮﻕ ﺍﻟﺒﻴﺪﻩ
ﻳﺎ ﺳﺎﺗﺮ ... ﺃﺧﺎﻑ ﺍﺗﻘﻮﻝ ﺇﻣﺎﻣﻲ ﺍﺗﻘﻄﻊ ﺍﻭﺭﻳﺪﻩ
ﻭ ﺑﺒﺎﺟﺮ ... ﺗﺮﺩ ﻣﺴﺒﻴﻪ ﺯﻳﻨﺐ ﻣﺎ ﻫﻲ ﺍﺑﻌﻴﺪﻩ
ﻣﻦ ﺗﺮﺟﻊ ﺇﻟﻲ ...ﻳﺎ ﺧﻮﻓﻲ ﺃﺣﺘﺎﺭ
ﻳﺎ ﻫﻲ ﺑﺖ ﻋﻠﻲ ... ﺍﺗﻐﻴﺮﺕ ﻣﻦ ﺍﻟﺼﺎﺭ
ﻭ ﺇﺫﺍ ﻓﻌﻼً ﺳﺒﻴﻪ ...ﺍﻟﻮﺣﻲ ﻳﻨﺰﻝ ﻋﻠﻴﻪ
ﻣﺎ ﻋﻨﺪﻙ ﺧﺒﺮ ﻋﻨﻬﻢ ﻳﺠﺒﺮﻳﻞ
ﻋﺎﻟﻐﺎﻟﻲ ... ﻗﺒﻞ ﻣﺎ ﺑﺸﺮ ﺍﺑﻦ ﺣﺬﻟﻢ ﻳﺠﻲ ﻭ ﻳﻨﻌﻲ
ﺍﺗﻌﻨﺎﻟﻲ ...ﺍﻟﻮﺣﻲ ﻭ ﺻﻮﺗﻪ ﺍﻟﺤﺰﻳﻦ ﺍﻳﺮﺩﺩ ﺑﺴﻤﻌﻲ
ﻳﻘﺮﺍﻟﻲ ... ﻳﻨﻔﺲ ﺍﻟﻤﻄﻤﺌﻨﻪ ﻟﻠﺨﻠﺪ ﺭﺟﻌﻲ
ﺃﻭﺣﺎﻟﻲ ... ﺃﺷﻖ ﺟﻴﺒﻲ ﻋﻠﻪ ﺣﺴﻴﻦ ﻭ ﺃﻫﻞ ﺩﻣﻌﻲ
ﺍﻋﺮﻓﺖ ﺍﻟﻔﺎﺟﻌﻪ ... ﻣﻦ ﻫﺎﻱ ﺍﻵﻳﺎﺕ
ﺟﻦّ ﺍﻟﻠﻪ ﻧﻌﻪ ... ﺣﺴﻴﻦ ﺍﻟﺬﻱ ﻣﺎﺕ
ﻳﺮﻳﺖ ﺍﺑﻬﺎﻟﻤﻨﻴﻪ ...ﺍﻟﻮﺣﻲ ﻳﻨﺰﻝ ﻋﻠﻴﻪ
ﻣﺎ ﻋﻨﺪﻙ ﺧﺒﺮ ﻋﻨﻬﻢ ﻳﺠﺒﺮﻳﻞ