قصيدة : نـتـوادع آنـه إويـاك
الشاعر : نجم الصراف الكاظمي
الرادود : الحاج ملا باسم الکربلائی
نـتـوادع آنـه إويـاك... هالليله هالليله
لا تـبـجـي أتـرجاك ...هالليله هالليله
ريت الصبح لا صار...يا خويه و إحنه إصغار
هــالــلــيـلـه هـالـلـيـلـه
******
مـشـوا و الـمـوت يـتبعهم و لا يدرون
يـنـامـون الـنـهـار و لـيلهم يمشون
نـومـتـهـم غـريـبـه لـمـن ينامون
يـفـرشـون الـتـراب و بـيش يتغطون
صـار الـدرب مجهول ...حاجيني حاجيني
يـبـن أمـي ها شتقول ...حاجيني حاجيني
أنـظـر يمين إيسار...يا خويه و إحنه إصغار
هــالــلــيـلـه هـالـلـيـلـه
******
مـصـايـب كـربـلـه بـالعين شافوها
حـمـيـده بـيـن خـيـل و نار عافوها
الـزغـيـر إيـقـول يمكن إختي سحقوها
يـكـسـرون الـقـلـب لـمن يذكروها
و الـثـانـي قال إشلون ...عفناها عفناها
و إعـدانـه مـيـرحمون... عفناها عفناها
تـتـقـبل الأعذار...يا خويه و إحنه إصغار
هــالــلــيـلـه هـالـلـيـلـه
******
شـبـه إطـيـور جـنه و لا وكر عدهم
يـريـد الـجـائـزة و مـلهوف صايدهم
كـلـهـا إتـريـد و إبـن إزياد رايدهم
يـتـامـه إثـنـيـن و آلاف الـتطاردهم
كـل خطوه بيها إوداع ...يا خويه يا خويه
و بـيـا ثـمـن نـنباع ...يا خويه يا خويه
خـلوا علينه أنظار...يا خويه و إحنه إصغار
هــالــلــيـلـه هـالـلـيـلـه
******
طـول نـومـهـم و الـحـرمـه شافتهم
شـافـت نـورهـم و إبـهـيده صحتهم
إنـتـوا إمـنـيـن ويـن الأهـل سإلتهم
ويـن حـسـيـن سـإلـت حين عرفتهم
صـاح الـزغير إبصوت... عرفونه عرفونه
أصـبـح قـريب الموت ...عرفونه عرفونه
مـن يـذبح الخطار...يا خويه و إحنه إصغار
هــالــلــيـلـه هـالـلـيـلـه
******
إرتـاحـوا و الـمـشـي بـالـليل تعبهم
مـا يـدرون راعـي الـدار يـطـلـبهم
وصـل لـلـدار و أم الـبـيـت تحجبهم
دفـعـهـا و قـال بـيدي ايكون أعذبهم
قـالـوا له إحنه إضيوف... حامينه حامينه
مـا نـنـسـه هـالمعروف حامينه حامينه
يـذبحنه راعي الدار...يا خويه و إحنه إصغار
هــالــلــيـلـه هـالـلـيـلـه
******
شـهـر سـيـفـه الـلعين و عاين المنحر
قـالـوا لـه يـحـارث بـالـحشر تخسر
لإبـن إزيـاد إخـذنـه و تـاخـذ الأكثر
و إخـذ الـجـائـزة مـن الـنبي و حيدر
قـالـوا لـه لإبـن إزيـاد ...ودينه ودينه
خـل يـفـعـل إشـما راد ...ودينه ودينه
خـل نندب الكرار...يا خويه و إحنه إصغار
هــالــلــيـلـه هـالـلـيـلـه
******
قـال إلـهـم يـتـامـه الـمسلم أعرفكم
و أنـا بـغـضـاً ابـمـسلم رايد أذبحكم
لأن اضـيـوف عـنـدي ابـهاي أخيركم
مـنـهـو يـريـد أول يـنـذبـح منكم
لـن الـجـبـيـر إيصيح... إذبحني إذبحني
و إبـن أمـه فـوقه إيطيح... إذبحني إذبحني
مـا يـرحم البتار...يا خويه و إحنه إصغار
هــالــلــيـلـه هـالـلـيـلـه
******
قـطـع راس الـجـبـيـر الـمـا إله ذمه
و يـنـظـر لـلـزغـيـر إيودع إبن أمه
شـبـك جـثـة إخـوه و غـسل إبدمه
ظـل يـبـجـي إعـلـه خيه و إنذبح يمه
قـصـه و تـشيب الراس... نرويها نرويها
لـلـيـمـلك الإحساس... نرويها نرويها
متنه و صبحنه أحرار...يا خويه و إحنه إصغار
هــالــلــيـلـه هـالـلـيـلـه
play_arrow
play_arrow
play_arrow
play_arrow
play_arrow
play_arrow
تعليقات