قصیدة : ما ﺃﻋﻮﻑ حسینی
الشاعر : ﻋﺒﺪ ﺍﻟﺨﺎﻟﻖ ﺍﻟﻤﺤﻨﻪ
الرادود : الحاج ملا باسم الكربلائي
المناسبة : ١٥ﻣﺤﺮﻡ١٤٣٧ﻫـ
ﻫﺬﺍ ﺩﺭﺑﻲ ﻣﺎ ﺃﻋﻮﻓﻪ ﻭ ﻻ ﺃﺑﺪ ﻟﻠﺜﺎﻧﻲ
ﻣﺎ ﻧﺴﻴﺖ ﺣﺴﻴﻦ ﻟﺤﻈﻪ ﺍﺩﺭﻱ ﻣﺎ ﻳﻨﺴﺎﻧﻲ
ﺍﻧﻲ ﻣﻦ ﻫﺎﻱ ﺍﻟﺸﻌﺎﻳﺮ ﻣﻨﻬﺠﻲ ﻭ ﻋﻨﻮﺍﻧﻲ
ﻭﺍﻟﻠﻪ ﻣﺎ ﻋﻮﻑ ﺍﻟﺤﺒﻴﺐ ﺍﻟﻌﺎﻳﺶ ﺑﻮﺟﺪﺍﻧﻲ
ﻫﺎﻟﻌﺸﻜـ ﻳﻜﻔﻴﻨﻲ ﻣﺎ ﺃﻋﻮﻑ ﺣﺴﻴﻨﻲ
******
ﻋﻬﺪﻱ ﻳﺒﻘﻰ ﻛﺮﺑﻼﺋﻲ ﻟﻠﺤﺒﻴﺐ ﺍﻟﻐﺎﻟﻲ
ﻭﺍﻟﻠﻪ ﻳﺎ ﻣﺠﻨﻮﻥ ﺃﺿﻴﻌﻚ ﻣﻦ ﺗﺼﻴﺮ ﺇﺑﺎﻟﻲ
ﺷﻤﺎﻟﻚ ﺗﻌﺎﺩﻳﻨﻲ ﻭ ﺍﻧﺖ ﺗﺨﺎﻑ ﻣﻦ ﺇﺧﻴﺎﻟﻲ
ﻭ ﺃﻧﺎ ﻋﺮﻓﻚ ﻣﺜﻞ ﺟﺪﻙ ﺷﻤﺮ ﺗﻄﻠﻊ ﺗﺎﻟﻲ
ﺍﻧﺖ ﻣﺎ ﺗﻤﺤﻴﻨﻲ ﻣﺎ ﺃﻋﻮﻑ ﺣﺴﻴﻨﻲ
******
ﺣﺴﻴﻦ ﺃﻏﻠﻰ ﺇﻧﺴﺎﻥ ﺃﺷﻮﻓﻪ ﺃﻏﻠﻰ ﻣﻦ
ﺇﻋﻴﻮﻧﻲ
ﻻ ﺗﺠﺎﺩﻝ ﻻ ﺗﻌﺎﻧﺪ ﺭﺍﺡ ﺃﺿﻞ ﺑﺠﻨﻮﻧﻲ
ﺣﻴﺪﺭﻱ ﻭ ﺃﻫﻞ ﺍﻟﻤﻼﻣﻪ ﺧﻠﻬﻢ ﺇﻳﻠﻮﻣﻮﻧﻲ
ﺍﺑﻘﻰ ﺑﺴﻢ ﺣﺴﻴﻦ ﺃﺳﻮﻟﻒ ﺣﺘﻰ ﻟﻮ ﺫﺑﺤﻮﻧﻲ
ﻟﻠﺬﺑﺢ ﻭﺩﻳﻨﻲ ﻣﺎ ﺍﻋﻮﻑ ﺣﺴﻴﻨﻲ
******
ﺍﺣﻨﻪ ﺷﻴﻌﻪ ﻭ ﻧﺒﻘﻰ ﺷﻴﻌﻪ ﻣﺎ ﺗﻄﻴﺢ ﺍﻟﺮﺍﻳﻪ
ﺑﺎﭼﺮ ﺍﻧﺮﺍﻭﻳﻚ ﺑﺎﭼﺮ ﺛﻮﺭﺓ ﺍﻟﻤﺸﺎﻳﻪ
ﺑﻜﻞ ﺩﺭﺏ ﺗﻠﮕﺎﻧﻪ ﻧﻨﺼﺐ ﻟﻠﺤﺴﻴﻦ ﺍﻗﺮﺍﻳﻪ
ﺗﺮﻛﺾ ﻭ ﺗﻔﺰﻉ ﻣﻮﺍﻛﺐ ﻏﻴﺮﺓ ﺍﻟﻮﻓﺎﻳﻪ
ﻭ ﺍﻧﺎ ﻭﻓﻲ ﺑﺪﻳﻨﻲ ﻣﺎ ﺃﻋﻮﻑ ﺣﺴﻴﻨﻲ
******
ﻫﺬﺍ ﺻﻮﺕ ﺍﻟﺸﺮﻑ ﻫﺬﺍ ﻭ ﻻ ﺑﺪ ﺗﺴﻤﻌﻮﻧﻪ
ﻛﻴﺪ ﻛﻴﺪﻙ ﻳﺎ ﻳﺰﻳﺪ ﺣﺴﻴﻦ ﻣﺎ ﺗﻤﺤﻮﻧﻪ
ﺷﻮﻑ ﭼﻢ ﻋﺎﺑﺲ ﻳﺤﺒﻪ ﻭ ﺑﺎﻟﻌﺸﻜـ ﻣﺠﻨﻮﻧﻪ
ﻧﻤﺸﻲ ﻭﻱ ﺯﻳﻨﺐ ﻭ ﻓﻨﻜﻢ ﺗﻤﻨﻌﻮﻧﻪ
ﺭﺍﻓﻀﻲ ﺗﺴﻤﻴﻨﻲ ﻣﺎ ﺍﻋﻮﻑ ﺣﺴﻴﻨﻲ
******
ﻫﺬﺍ ﻋﺸﮕﻲ ﺇﻣﻦ ﺍﻟﻄﻔﻮﻟﻪ ﻭ ﻫﺎﻳﻢ ﺑﻤﺤﺒﻮﺑﻲ
ﺛﻮﺑﻲ ﺃﺳﻮﺩ ﻉ ﺍﻟﺤﺴﻴﻦ ﻭ ﻣﺎ ﺃﻏﻴﺮ ﺛﻮﺑﻲ
ﻭﻳﻪ ﻛﻠـ ﻣﺸﺎﻱ ﺍﻣﺸﻲ ﻭ ﻣﺎ ﺍﺗﻴﻪ ﺍﺩﺭﻭﺑﻲ
ﺍﻋﺘﻨﻲ ﻟﺪﺭﺑﻪ ﻟﻤﻦ ﺍﻭﺻﻞ ﻳﻢ ﺷﻔﻴﻊ ﺇﺫﻧﻮﺑﻲ
******
ﻳﺘﺮﺍﺏ
ﺷﻴﻨﻮﺡ ﺍﻟﭽﺎﻥ ﻣﻦ ﺍﻟﺪﻣﻊ ﻳﺘﺮﺍﺏ
ﺇﻟﻤﻦ ﻧﺎﻇﺮﻩ ﺇﻋﻠﻰ ﺍﻟﺪﺭﺏ ﻳﺘﺮﺍﺏ
ﺷﻜﺜﺮ ﺿﻤﻴﺖ ﺍﻟﻴﻪ ﺍﺣﺒﺎﺏ ﻳﺘﺮﺍﺏ
ﺍﺷﻠﻮﻥ ﺍﻣﺸﻲ ﻭ ﻫﻢ ﺗﺤﺖ ﺍﻟﻮﻃﻴﻪ
ﻭﺍﻟﻤﻨﻲ
ﺍﻧﺎ ﺑﺲ ﺍﻟﻤﺼﺎﻳﺐ ﻭﺍﻟﻤﻨﻲ
ﻭ ﺑﺴﻴﺎﻁ ﺍﻟﺸﻤﻮ ﺿﻠﺖ ﻭ ﺇﻟﻤﻨﻲ
ﺍﻟﺼﺒﺮ ﻣﻦ ﻛﺜﺮ ﻭﻧﻲ ﻭﺍﻝ ﻣﻨﻲ
ﻏﺮﻳﺒﻪ ﻭ ﻻ ﺃﺧﻮ ﻳﻨﺸﺪ ﻋﻠﻴﻪ
play_arrow
play_arrow
play_arrow
play_arrow
play_arrow
play_arrow
تعليقات