قصيدة : ما ننسه ثارج يا زهراء
للشاعر : ناظم الحاشي
ليلة ٢٦ ربيع الثاني ١٤٣٩هـ _ لندن
بين_الزفاف_وموتي_ناديت_يمه_ذكريني
ماننسه ثارج يازهراء
بالدم مزارج يا زهراء
▪️▪️▪️▪️▪️
ما ننسه من هجموا على الدار
و ابباب فاطم شعلو النار
ضلع الزجيه انصاب بسمار
من فضه و صلت حيدر انباء
بالدم مزارج يا زهراء
▪️▪️▪️▪️▪️
ميت المحسن طاح بالباب
لكن ابد ما طاح الحجاب
يا بسملة ايات الكتاب
يالزهره انتي و نقطة الباء
بالدم مزارج يا زهراء
▪️▪️▪️▪️▪️
حيدر اخلافج يضرب جفوف
راحت المنها العين متشوف
اول و صارت ضدي السيوف
عدوني رابع بين الاسماء
بالدم مزارج يا زهراء
▪️▪️▪️▪️▪️
وصيتي حيدر من يشيعون
بالسر دفنتي لازم تكون
ما اريد يمسي وياي ملعون
لا تمشي خلف اجنازتي اعداء
بالدم مزارج يا زهراء
▪️▪️▪️▪️▪️
شفت الحسن و حسين يبجون
ميته وفتحتي الولدج عيون
حيدر تمنه اوياج مدفون
تفديج روحي و كل الابناء
بالدم مزارج يا زهراء
▪️▪️▪️▪️▪️
زينب ييمه و راح تبجين
مثل الفقد يوسف تنوحين
مسبيه لرض الشام تمشين
و تمر عليج ايام سوداء
بالدم مزارج يا زهراء
▪️▪️▪️▪️▪️
play_arrow
play_arrow
play_arrow
play_arrow
play_arrow
play_arrow
تعليقات