محمد تنشد على احسين - مكتوبة

قصيدة : مـحـمـد تنشد على حسين

الشاعر : المرحوم الشيخ سامي الخفاجي الكربلائي

الرادود : المرحوم الحاج ملا حمزة الصغیر الکربلائي

مـحـمـد تنشد على حسين..... راح حسين يامحمد
شـال  على  الرمح راسه...... وجسمه بكربلا إمدد
******
يـامـحـمـد يابن حيدر..... شلون أگدر اخبرنك
وإنـت  بـالمرض مصيوب ..... وصوبني سهم ونك
يـامـحـمـد أخاف عليك ... سهامي لا يصوبنك
خـواتـك  لـلـوطن ردن ... لاچن بالهضم جنك
هـاك  أخـبـار بيه اشصار... ريتك حاضر وتشهد
******
يـامـحـمـد عـمـاني البين ... من رد المهر خالي
طـارت روحـي لـلـميدان .... تحوم تدور الوالي
شفته  على الأرض مطروح ... وحدره إفرشت دلالي
وصـار يـحـرك شفافه .... ويطلب والطلب غالي
هـاك  اخـبـار بيه شصار ... ريتك حاضر وتشهد
******
يـامـحـمـد أخوك حسين ... متوسد على التربان
ومـن  كثر الجروح البيه .... ومن نار العطش ثگلان
وينادي يضعيف الصوت ... وجدي المصطفى عطشان
بـس  آنـه  احـضرت يمه ... وعليه دايره العدوان
هـاك  أخـبـار  بيه شصار .. ريتك حاضر وتشهد
******
مـحـمـد خـويه واحتاريت ... من صار الشمر يمه
جسمي  رميته فوگ حسين .... أفدي برگبتي جسمه
صـوتـه الـشـمر گومني... وصار الوالدي يشتمه
وحـكـم  بـالنحر سيفه .... وگصه وخضبه بدمه
هـاك  أخـبـار  بيه شصار .. ريتك حاضر وتشهد
******
يـمـحمد  وجت الخيل... تركض وسحگت صدره
ومـاظـل  عـظم سالم بيه .. وتكسرت خرز ظهره
خـويـه  وسـلـبـوه الگوم ... الله شصعب أمره
وظـل  عـاري ثـلـثة ايام ... موسد عالرمل نحره
هـاك  أخـبـار بيه شصار ... ريتك حاضر وتشهد
******
ذبـحـوه وإكـتفوا منه ... راسه على الرمح شالوه
مـن  الـكوفه للشامات .... وبطشت الذهب خلوه
مـحـمـد وبمجلس يزيد ... وما بين العدى نصبوه
عـيـنـي بالعمى ولاشوف... راسه بالعصى يضربوه
هـاك أخـبـار بـيه شصار.. ريتك حاضر وتشهد
******
يـمـحـمـد نـشـدني يزيد... واليچ يازينب وين
وراسچ  بـيـمـن تشيلين ... راح وما يعود حسين
وفـوگ  الـعـلگوم  العباس.... نام مگطع الچفين
خـويـه وانـه مـحـتـاره .. وعالغربه أدير العين