مر الضعن - مكتوبة

 الرادود : الحاج ملا جلیل الکربلائي

مـر  الـظـعـن  يا جمال بالغاضريه .... خوفي لحسين و عباس عدهم وصيه
قـبـل الـمـديـنـه .... مـر الـظـعـيـنـه.... بـالـغـاضـريه
******
اعـيـال  الـنـبـي رد الهضم يحديهم .... و الحادي ناوي اليثرب ايوديهم
لـمـن وصـل مـفـرق طـرق حاديهم .... نادت الحره إخواني مر اعليهم
و  اشـلـون تـمـشي ابكربله اتخليهم .... ايحسبون خوفي هالقلب ناسيهم
الجيتي ايحسبون أيام أرجع و أمرهم .... شنهو العذر و بيا روح من أمشي عنهم
لا تـمـشـي بـيـنـه .... مـر الـظـعـيـنـه.... بـالـغـاضريه
******
أقـبـل الـحـادي و نـاده يا لتنشدين .... هذي معالم كربله يخت احسين
الوجه  العليل الحره دارت هالعين .... و صاحت يا عمه من ادفنت عودك وين
وصـلـتـه  و نادت يا فخر كل ياسين .... جينه نودعكم يا خويه و ماشين
خـاف  من أروح اتقولون يمكن نستنه .... و اشلون اختنه ابهالحال ما ودعتنه
ابـفـضـلـك عـلـيـنـه.... مـر الـظـعـيـنـه.... بـالغاضريه
******
مـا أحـجـي هـمـي و حـزني الماذيني .... مريت أسمعك خويه شتوصيني
و جـن صـوت نـاده يا هله ابضي عيني .... اشلون القبر بينج يحول و بيني
عـنـدي  وصـيـه  ورايـد اتـسمعيني .... يم قبر جدي و أمي اتذكريني
بعده  القلب  يلهب نار يا خويه ضامي .... أسمع بواجي الرضعان و آنه ابمنامي
صـحـت الـولـيـنـه.... مـر الـظـعـيـنـه.... بـالـغـاضريه
******
يـم قـبـر جـدي حـالـتـي احـجيها .... و لمي مآسي سفرتج أرويها
و أم الـبـنـيـن الـطـاهـره واسـيها .... و الها سلامي و لهفتي بلغيها
و  داري يـا زيـنـب ظـلـمه لا تخليها .... و لا يرد مهضوم اليمر اعليها
صاحت  أنفذ  شتقول لو بيها موتي .... أدري و قلت للجمال مرني اعله خوتي
ويــاك  إجـيـنـه.... مـر الـظـعـيـنـه.... بـالـغـاضـريـه
******
نـادت يـا عـمـه قـومـي خـذ بيميني .... القبر الكفلني يا علي وديني
وصـلـت  و  صـاحـت يا قمر تدريني .... جيت و على قبرك تقطر عيني
جـيـت و أمـل عـندي يا تعب اسنيني .... يا اما نسيتك و انت ما ناسيني
طول  الدرب يا عباس أنحب و انادي .... لا تنسه خوتي ابممشاك مرهم يحادي
انـلـوح بـيـديـنـه.... مـر الـظـعـيـنـه.... بـالـغـاضـريه
******
لـن صـوت أبـو فاضل صدر من نحره .... خويه يا مهجة حيدره و الزهره
راعـي حـيـاتـج بـالـحـزن يـالـحره .... أسمع ونينج يرتفع بالحسره
لـجـن اشـبـيـدي اعله الزمان و غدره .... طاحن يزينب يمنتي و اليسره
و  اعـيالي  يم الأحزان أسمع بجيهم .... من صحتي يا حادي النوق مرني عليهم
و  نـادت اسـكـيـنـه.... مـر الـظـعـيـنـه.... بـالـغـاضريه
******
و  عـنـدي وصـيـه و هـالـحجي اتسمعينه .... إبني يزينب انتي لتربينه
و  اعـلـه  الـكـفـاله و الوفه اتعلمينه .... و يطلب ابثار احجابج اتخلينه
و  هـو الـيـكـفـلـج لمن اتخبرينه .... رايتي و سيفي و جودي اتسلمينه
أفـرح لـون لـجـلـج يـضـحي ابعينه .... و العمته يفدي ابفخر جفينه
لـو إبـنـي حـاديكم صار مريني يختي .... و ابجيتج يخت احسين تبرد جمرتي
و  هـم تـآمـريـنـه.... مـر الـظـعـيـنـه.... بـالـغـاضـريه