قصيدة : مسلم ينادي امن القبر
الرادود : الحاج ملا باسم الكربلائی
مسلم ينادي امن القبر ...زينب وين أولادي
ما أدري وين إبيا كتر ...زينب وين أولادي
فروا على وجه الثره ...زينب وين أولادي
و بيا أرض ما يندره...زينب وين أولادي
يذبحهم الحارث تره ...زينب وين أولادي
منهو اللي يكسر خاطره...زينب وين أولادي
******
ما أدري سلكوا يا درب ...يا هالناس دلوني
ليل و خطر خوف و رعب ...يا هالناس دلوني
امطيع أطفال و غرب ...يا هالناس دلوني
و إثنينهم روح و قلب ...يا هالناس دلوني
يا ناس فرقاهم صعب ...يا هالناس دلوني
******
يا عالم اشحال الطفل...شاف اعيون ذباحه
و الشاف أخيه ينجتل...شاف اعيون ذباحه
باوع له و المدمع يهل ...شاف اعيون ذباحه
قلب الطفل ما يحتمل...شاف اعيون ذباحه
ركبت اعضيده تنفصل...شاف اعيون ذباحه
والدهم انجر بالحبل...شاف اعيون ذباحه
******
يا ويلي قصه و مؤلمه ...بالتاريخ ما صارت
فعل الطغاة الظالمه ...بالتاريخ ما صارت
تبجي الأرض ويه السمه ...بالتاريخ ما صارت
وينك يحماي الحمه ...بالتاريخ ما صارت
أطفال تسبح بالدمه ...بالتاريخ ما صارت
الله يساعد فاطمه ...بالتاريخ ما صارت
play_arrow
play_arrow
play_arrow
play_arrow
play_arrow
play_arrow
تعليقات