من عيني المدمع سال لمن شفتك - مكتوبة

الشاعر : الأديب الحاج جابر الكاظمي

مـن عـيـنـي الـمـدمع سال        لـمـن شـفـتـك يـهـلال
يــا الــحــيــرتـنـي      و     شــــذكــرتــنــي
لـمـن شـفـتـك يـهـلال
******
يهلال  شهر الفاجعه و شهر النوح      تـتلاوح أشباح الحزن حين اتلوح
آنـه الـجريح و قلبي منك مجروح      يا ما دعيت ابدمع دامي و مسفوح
مـن  شـفـتـك حـيلي انهار      و اتــذكـرت اشـمـا صـار
من لوعتني      و     شــــذكــرتــنــي
******

من  شفتك ابصوت النوايب ناديت      يـهـلال  ريتك بالحزن لا هليت
غـايـب  تظل طول الحياة اتمنيت      اشخليت من عترة الهادي اشخليت
بـالـطـف  خـلـيـت أبدان      تــتـعـفـر  بـالـتـربـان
و امــصــابــي فـتـنـي      و     شــــذكــرتــنــي
******
يـهـلال خـلـيت ابقلبنه جمره      كـلـمـا تـهل لجلك نهل العبره
نـذكـر اشما حل و جره عالعتره      و  نذكر  شبيه المصطفه اعله الغبره
مـنـك شـفـت الـلـوعات      أنـسـه  الأكـبـر هـيـهات
حــايــر شــفــتـنـي      و     شــــذكــرتــنــي
******
كـلـمـا أشوفك قلبي يكثر همه      و تـستعر بين إحشاي نار الصدمه
اذكـرت  الشباب اللي تحنه ابدمه      و أتـذكـر الحاله البيها مرت أمه
تتراوالي الآم      و  أذكـر رمـلـه و جـسـام
يــالــصــدعــتـنـي      و     شــــذكــرتــنــي
******
يـهـلال منك نفذت اسهام البين      و  بسهمك اتصوبت بالطف يا عين
مـهـما يطول العمر و اتمر اسنين      لـلـمـوت ما أنسه قطيع الجفين
و اعـيـونـي اشـلون اتشوف      عـبـاس  ابـغـيـر اجـفوف
اســهــامـك  رمـتـنـي      و     شــــذكــرتــنــي
******
يـهلال  شفتك و الجبد ظل يسعر      و  اتـذكرت مصرع قطيع المنحر
سـبط  النبي  المختار جسمه اتوذر      و امـخـيمه ابنار آل أميه اتوجر
بـمـصـابـه احـمـلت اهموم      و اشـلـون أنـسـه الـمظلوم
يــا  الــشــيـبـتـنـي      و     شــــذكــرتــنــي
******
لـو نـاشدت سبط النبي بيا حاله      عل  الأرض  مرمي و داسته الخياله
و  مـن بـعد جتله اتوجهو لعياله      ابـحـافـر الخيل اتسحقت أطفاله
و حـيـن اذكـرت الـطـفال      هـاك اسـمـع قـلـبي اشقال
يــالــفــاجــأتـنـي      و     شــــذكــرتــنــي