من مصدر أحكام الوعيد نشرح مضامين - مكتوبة

الشاعر : الأديب الحاج جابر الكاظمي

مـن  مصدر أحكام الوعي نشرح مضامين
و  انقارن  أصحاب النبي و أصحاب لحسين
******
نـتـجـرد امـن العاطفه و نتبع الألباب
و بهالبحث كل خطوه لازم نحسب احساب
و  انقارن  أصحاب الرسول ابهاي لصحاب
يـا هـو الـجفت يا الوفة من هاي الإثنين
******
خـل نـبدي من وقعة أحد و انوجه أنظار
نـدخـل غـمار المعركه و انوضح أسرار
ليش انكسر جيش النبي و ذاك الفشل صار
عـقـب النصر ليش اختلف مجره الموازين
******
هـاي الـحـقـيقه انرسمت ابعين الملاحم
و  انـكـشفت أنصار النبي بأوضح علايم
عـافـت نـبيها و اسرعت صوب الغنايم
تـبـعـت مـطامع دنيويه و عافت الدين
******
و بـوقـعـة الـخندق توضح ثاني موقف
لـمـن بـرز عمر ابن ود و ابصوته يهتف
كـل الصحابه اندهلت و من صوته ترجف
مـحـد بـرز غـيـر الوصي ليث الميامين
******
بـالـخـندق أصحابه رسول الله امتحنهم
يـم ابـن ود الـعـامري انعقدت لسنهم
مـا غـيـر إبن عم النبي اتصدى له منهم
هـاي الـمـواقف صارت اعليهم براهين
******
و  حين  الذي ودع حياته المصطفى و مات
أنـصـاره  من بعده ابتدت ترسم خيانات
خلها  تجي  الطف كربله و أرض البطولات
و  اتـشـاهد احسين و بني قومه المواسين
******
لـمـن  جمع أنصاره سبط المصطفى و قال
يـا مـن تـركـتو اديار أهاليكم و لموال
و  عـفتوا  حلايلكم و اجيتو ابشدة الحال
راشـده نـيـتـكـم يا من للعزه ناوين
******
هـذا  الـظـلام  اتخذوا من عنده جملكم
عـيـفوني  و اتوجهوا الحلايلكم و أهلكم
مـن  أجلي مشروعه السمر مو من أجلكم
هـذا الـحـصـل لـمن عرض الهم التبين
******
صـاحو  فرد صيحه و تردد منهم الصوت
لـو  ألـف  موته لجلك ابها المعركه انموت
نـقـبل  و ما نترك الفرصه السانحه اتفوت
و احـنـه الذي نترجه هالفرصه من اسنين
******
دونـك  يـا  بـن سيد الرسل لو قطعونه
لـو  يـحـرقـونـه بـالرياح و ينثرونه
لـو  بـالـسـيـوف المرهفات ايوذرونه
دونـك  ألـف موته نموت و احنه راضين
******
واحـد بـعـد واحد بدت هاي الصحابه
تـبـرز و تـثـبت حجة الباري و كتابه
بـالـدم  تـريـد  اتـرجع الحق النصابه
دولـه  احـنه أصحابه اللي سموهم موالين
******
مـا هـمهم الموت و عدد جيش الأعادي
عـرضـوا دمـاهـم للعواسل و الهنادي
و  ظـلـت بـإسم تحدي ركبان البوادي
ويـن  الـذي رجـفوا إقبال العمري وين
******
خـلـهم  يجون الكربله و خلهم يشوفون
مـعـنه الوفه و معنه الصحابه اللي يوفون
و بـخـاتـمة هذا البحث سجلنه مضمون
أشـرف أنـصـار أنصار أبو اليمه الميامين