للشاعر : الأديب الحاج جابر الكاظمي
نــاديـتـك تـدري ابـحـالـتـنـه ... و مـا غـيـرك يـحـضـر شـدتـنـه
بـالـشـدد تـحـضـر ... بـويـه يـا حـيـدر** و الـخيم تسعر ... بويه يا حيدر
******
مـآنـه الـعـقـيله يا علي أصرخ ابدمعة عيني ... حايره بأيتام و حرم و ما واحد ايواسيني
يــا بــويــه ادرك حــالــتــي ابــهــا الـحـالـه لا تـخـلـيـنـي
و بـحـالـي تـدري اشـصـار ... مـحـتـاره يـالـمـخـتار ... بين السلب و النار
و الـلـيـل هـذا الـلـيـل يـا داحـي الـبـاب ... خيم علينه و احنه بين الأجناب
لا أهـل عـدنـه لا خـيـم لا أصحاب ... من أنين أبدي و أشرح لك هضم جم امصاب
أشــرح لــك غــيـبـة ولـيـانـي ... و أعـرض لـك هـمـي و أحـزانـي
ابـهـجـمـة الـعـسـكـر ... بـويـه يـا حـيدر**و الخيم تسعر ... بويه يا حيدر
******
يـا بـويـه أول فـاجـعـه قطعت هرش دلالي ... لمن علي الأكبر وقع فوق الرمال إقبالي
مــصــرع شــبــيــه الــمــصـطـفـى يـا بـويـه غـيـر حـالـي
دارت عـلـيـه اصـفـوف ... إرمـاح و نـبـل و اسـيوف... يا با الحسن شتشوف
هـذا الـجـره اعـلـه الأكـبـر و هـذا الـصار ... ياريت حاضر جنت يا حامي الجار
و اتـشـوف عـالـغـبـره شـبـيـه الـمـخـتار ... أول صريع انصرع بعد الأنصار
مــا تــخـمـد جـمـرة أحـزانـه ... و اتـوسـد جـسـمـه ابـمـيـدانـه
و ذبـحـوا الأكـبـر ... بـويـه يـا حـيـدر** و الـخـيـم تسعر ... بويه يا حيدر
******
و ثـالـث مـصاب اللي جره لو ردت تنشد عنه ... جاسم ابليلة زفته اسيوف الحرب زفنه
و مــن دمــه عــجــنــوا حــنــتــه ابــدم الـوريـد اتـحـنـه
ابـلـيـلـة عـرسـه ذبـحـوه ... ابـدم الـنـحـر حـنوه... و اعله الحرب زفوه
يـا بـويـه ريـتـك جـنت حاضر و اتشوف ... ابدال الشمع للعرس رفعوا له اسيوف
ابـدال الـهـلاهـل عـلـت صـرخـات الـخوف ... حنته ابدمه و دمع عيني مذروف
بـالـحـومـه يـا ريـت اتـشـوفـه ... بـدمـومـه حـنـوا لـه اجـفـوفـه
بـالـثـره اتـعـفـر ... بـويـه يـا حـيـدر** و الـخـيم تسعر ... بويه يا حيدر
******
يـا بـويـه والـنوب الطفل حيرني بالطف أمره ... عطشان ذبحوه العده و ابقلبه تسعر جمره
يــا ســايــه مــن عــنـده و ذنـب بـالـسـهـم قـطـعـوا نـحـره
و شـفـت الـطـفـل مـذبـوح ... و دم الـنحر مسفوح... و أمه اعله مهده اتنوح
هـاي الـربـاب اتـصـيـح يـبـنـي الـغـالـي ... ابيا عين أشوف المهد منك خالي
يـا ريـت نـبـلـة حـرمـلـه ابـدلالـي ... و لا شـوف ابـدمـك خضيب إقبالي
عــبـدالله مـا انـسـه امـصـابـه ... بـالـنـبـلـه هـالـظـالـم صـابـه
قـطـعـوا الـمـنـحـر ... بـويـه يـا حـيـدر** و الـخيم تسعر ... بويه يا حيدر
******
يـا بـويـه و أصـعـب نايبه مرت اليوم اعلينه ... مصرع كفيل العايله من قطعوا جفينه
بــالــعــمــد صــابــوا هــامـتـه و الـسـهـم صـوب عـيـنـه
صـابـه الـعـمـد بـالـراس ... و ابـمـصـرع الـعـبـاس... جارت علينه الناس
و آنـه اطـلـعـت صـوب الـنـهـر شـجايه ... و القيت بس جثه و جفوف و رايه
أصـرخ و دمـعـاتـي تـصـيـح اويـايـه ... يـاريـت لا فـاض الـفرات و مايه
والـيـنـه الـعـبـاس اتـقـطـع ... جـفـيـنـه انـقـطـعـت بـالـمـصرع
شـبـلـك اتـوذر ... بـويـه يـا حـيـدر** و الـخـيـم تـسعر ... بويه يا حيدر
******
و آخر مصيبه اللي جرت هدمت حيلي و عزمي ... و لمن رجع خالي المهر ينحب و يصهل يمي
نــاديــتــه بالله يــالــمــهــر دلــيــنــي ويــن ابــن أمـي
لـيـش الـسـرج مـقـلـوب ... و لـيـش الوجه مخضوب... عفت الولي بيا صوب
دلـيـنـي بالله يـالـمـهـر دلـيـنـي ... يـم أبـو الـيـمـه و مـصـرعه وديني
خـل يـقـعـد ايـبـاصـرنـي وايـحـاجـيـنـي ... و اشلون ما بين العده ايخليني
مــرعــوبــه و لا واحــد يـمـي ... مـصـيـوبـه بـأحـزانـي و هـمـي
و الـحـزن أثـر ... بـويـه يـا حـيـدر** و الـخـيـم تـسـعر ... بويه يا حيدر
******
و حـالـة الـفجعت مهجتي يا با الحسن هالحاله ... و لرض المدائن يا علي السلمان تتعنى له
و احــســيــن ظــل ابــلا دفــن و الــجــســم مـحـد شـالـه
يـالـلـي احـضـرت سـلـمـان ... شـبـلـك عله التربان... طايح ابلايا أجفان
مـن كـل كـتـر يـا بـا الـحـسن دمه ايسيل ... عالأرض جسمه ابلا جفن لا تغسيل
و احـنـه يـحـيـدر بـيـن نـيـران و خـيـل ... هذا النهار انقضه و شيقضي الليل
يــالــتـحـضـر شـاعـة الـشـده ... مـا نـقـدر نـصـبـر هـالـمـده
تـصـرخ الـخـدر ... بـويـه يـا حـيـدر** و الـخـيـم تـسعر ... بويه يا حيدر
play_arrow
play_arrow
play_arrow
play_arrow
play_arrow
play_arrow
تعليقات