نارين شبوا القوم - مكتوبة

القصيدة : نارين شبوها القوم
الشاعر : الحاج جابر الكاظمي
الرادود : الحاج ملا باسم الكربلائی

نارين شبوها القوم
نارين تسعر لليوم
ضلعين انهشمت للعترة
ضلع حسين و ضلع الزهرة
نارين شبوها القوم
نارين تسعر لليوم
******
يالغايب طالت هالغيبة
و انحشمك بدموع العين
ماتخمد جمرة آلامك
تلهب من كسر الضلعين
و اشعملوا أشرار الأمة
بضلع الزهرة و ضلع حسين
كسرين كسروا الاشرار
كسرين يبن الأطهار
يا كسر اللي يسهل جبره
ضلع حسين و ضلع الزهرة
******
يالغايب و أصعب كل حالة
طفلين انصابوا بصواب
عدوانك هجموا عالزهرة
طيحوا محسن يم الباب
صابوا عبد الله بنبلتهم
و مصاب أصعب من مصاب
طفلين غدروا الأشرار
طفلين يبن المختار
ياهو الاكثر يصعب أمره
ضلع حسين و ضلع الزهرة
******
يالغايب نارين بقلبك
تتحمل جمرة يا نار
تتحمل نيران خيامك
لو نار الشبَّت بالدار
من باب الزهرة الملتهبة
تحولت لخيام الأطهار
بالباب شبَّت نارين
بالباب و خيام حسين
و هاي النارين المستعرة
ضلع حسين و ضلع الزهرة
******
يالغايب يا يوم و تنهض
تهتف يا ثار المذبوح
و الطاغي الصوَّب ضلع
أمك و اظلمها و خلاها تنوح
هو الأَمَر عمتك زينب
للكوفة و للشام تروح
منشوب جمر العبرات
منشوب يخمد هيهات
و الما تنشف الها العبرة
ضلع حسين و ضلع الزهرة
******
ظلمين انصبن عالعترة
ظلم الثاني و ابن زياد
قيدوا رقبة جدك حيدر
للبيعة و مغصوب انقاد
نفس القيد تحول للطف
و تقيَّد بيه السجاد
آلام ما ظنها تزول
آلام عنهن شتقول
صوابين و كل واحد جمرة
ضلع حسين و ضلع الزهرة