قصيدة : نسأل النار | فكري محتار
للشاعر : عبداللطيف الخالدي
الرادود : الحاج ملا باسم الكربلائي
١٥ جمادى الأول ١٤٣٩ _ العاشور
فكري محتار بمصاب الزجيه
نسأل النار عن هاي الرزيه
******
صافن و جفيني حسرة اتصافقن
عالذي صار و جرى لأم الحسن
النار تسعر المفترض بالكافرين
ليش اجت متلهفة لجنة عدن
تستعر دار للباري و نبيه
نسأل النار عن هاي الرزيه
******
نقرا بالتاريخ و نشوف اشكتب
النار هي النار بس كل العجب
جان بردا من اجى يم الخليل
بس على بنت النبي هاج اللهب
فنهي الاسرار بالنار السرية
نسأل النار عن هاي الرزية
******
النار تترك بالقلب ذكرى و اثر
عندها عشرة بس عشرتها كدر
مثل ظل ورافقت زينب سنين
من المدينة لليلة الحادي عشر
نفس الاسرار بأرض الغاضرية
نسأل النار عن هاي الرزية
******
النار اشد عالحرة من ضرب السيوف
بالاخص لو جارت عليها الظروف
السيف يقطعله نحر بس باللهيب
اشسوى بالايتام من وج بالطفوف
تسحق صغار الجمر العالوطية
نسأل النار عن هاي الرزية
******
و الاشد والله نيران القلب
عالعفيفة لمن اتصير بغرب
حقها تصير تتنفس جمر بنت الكرام
لو يسيرة لابن مرجانه تطب
الزمن يندار و الحرة سبية
نسأل النار عن هاي الرزية
******
و احنه عشنا بنار بس نار الزمن
تاني مصلح يظهر و يمحي الفتن
نقبض اعله الجمر و نصيح بنداء
عجل الله فرجك يبن الحسن
صاحب الثار ينهي هالقضية
نسأل النار عن هاي الرزية
play_arrow
play_arrow
play_arrow
play_arrow
play_arrow
play_arrow
تعليقات