نور الكواكب عن عيني غايب - مكتوبة

الشاعر : الأديب الحاج جابر الكاظمي

نور الكواكب ... عن عيني غايب ... غاب الأمل ... غاب الأمل
******
صـحـت أم الـبـنـيـن آنـه و بـنـيـنـي وفوا الأمهم
عـلـه  اتـراب الـفـخـر و الـعـز ضـحايه قلبي قدمهم
إلـك  يـا بـا الـحـسـن أنـقـل صور مرسومه من دمهم
بـنـيـك يـا عـلـي مـثـلـك نـزول الـموت ما همهم
ريــتـك تـراهـم ... ردت دمـاهـم ... قـاع الأجـل
******
بـنـيـنـك  يـا  عـلـي عـنـهم سنن قاع الحرب تشرح
كـل  واحـد  صـبـح مـثـلـك أسـد و ابغيرتك اتسلح
غـدت تـتـسـابـق اعـلـه الموت و ضمايرهم شيم تنضح
يـاريـتـك  يـا  عـلـي اتـشـاهـد مناحرهم عله المذبح
أربـع ضـحـايـه ... ابـسـوح الـمـنايه ... ضربت مثل
******
مـثـلـمـا  هـدمـت  بـيـدك قـلاع ابـوقعة الأحزاب
بـنـيـنـك  هـدمـوا  قـلـعـة أمـيه و ذلت إلها ارقاب
ابـعـزمـهـم  كـربـلـه شهدت مثل عزمك يا ليث الغاب
فـخـر  يـكـفـيـهـم  و انـت والـدهم يا داحي الباب
قـلـبـي احـتـسـبـهـم ... واضح دربهم ... من الأزل
******
مـثـلـمـا صـارمـك حـاصـد ارقـاب اعدائك بصفين
بـنـيـنـك حـصـدوا الـعسكر ابنفس سيفك يبو الحسنين
و رايـه الـجـانـت ابـجـفـك و بـيها احفظت وجه الدين
رفـعـهـا شـبـلـك الـعـبـاس و إلـهـا ضحه بالجفين
بـدر  الـغـوالـب ... وعـده الـكـتايب ... صال و حمل
******
مـثـلـمـا  سـيـف إبـن مـلـجم دهاك ابمسجد الكوفه
نـفـس  هـالـسـيـف  لـلـعـباس صابه و قطع اجفوفه
ابـمـحـرابـك طـحـت سـاجد و نفس هالطيحه موصوفه
بـمـحـراب الـحـرب عـبـاس طـايـح ريـتك اتشوفه
عـالـغـبـره  شـبـلك ... و أهدافه مثلك ... نال ووصل
******
يـا حـيـدر هـذي أولادك و أنـه أمـهـم أفـتـخر بيهم
لـجـن فـرقـتـهـم ابـقـلـبـي جـمـر يتواقد اعليهم
صـرت أذكـر سـهـر لـيـلـي و تـعـب جفني ابلياليهم
أحـن و أتـحـسـر و عـيـنـي تـهـل دمـع الحزن ليهم
ابـنـار الـنـوايـب ... دلالـي ذايـب ... دمـعـي همل