هذا اللي صار - مكتوبة

هــذا  الــلــي صــار .... بــعــد الــمــخـتـار
غـصـبـوا حـقـي و مـارحـمـونـي و هـجـمـوا عـلـدار

حـيـن  اسـتـسـلمت روحه لمناياها**و رجعت راضية لربها نفس طه
أشـبـاه  الـبـشـر  بـانـت خفاياها**و نكرت للنبوة كل وصاياها
ظـهـرت  أحـقاد و الجور نعاد***و انزالت من بعد الهادي كل الأستار

قـومه  ارتدّوا و عادوا على الأعقاب**أول فعل منهم هجموا على الباب
و  جـم سائل سأل هالضلع ليش انصاب**محد يدري محد يعرف الأسباب
ضـلعي  المهشوم  يعتب و يلوم***ليش اتهشم و آنة بصدري نابت بسمار

جن غصب الفدك ماجان يكفيني**انكسر ضلعي و تصب دمي و دمع عيني
آنـة الـلـي حـديـث الـهـادي يعنيني**هذي فاطمة الياذيها ياذيني
ضـلـعـي  الكسروه حقي الغصبوه***باجر الهم وقفة طويلة قبال الجبار

الـهـم  مـوقف ويا الباري بالمحشر**يسأل عن فدك مغصوب و اتصادر
عـن  كـسـرة ضلع علباب تتوجر**عن بيعة انغصب الها الوصي حيدر
و  يصير حساب و أهل الأنصاب***لا شبهة و لا شك بالمحشر ماواها النار

لا  نـفـعـت  الـدعوة البيها أهداهم**و لا نفعت وصية والدي وياهم
رجـعـوا  لـلـوثـن  و ابـليس أغواهم**إغتروا و بجهنم تالي مثواهم
تـحـمـلـت هـموم قلبي المالوم***لمن طيحوا محسن جتفوا ايد الكرار

بـيـن  الـباب و الحايط جنيني طاح**و للبيعة غصب مجتوف حيدر راح
مـن كـل عين لأجل الدمع هل و ساح**و العالم العلوي لحالي ون و ناح
أم السبطين تطلبكم دَيْن***حق ضلعي و حق محسن ابني و حق حامي الجار