يا ابني اللي ضيعتني بضيعتك مني - مكتوبة

قصيدة : يـبـنـي الـضـيـعـتني بضيعتك مني

للشاعر : المرحوم الشيخ كاظم منظور الكربلائي

الرادود : المرحوم الحاج ملا حمزة الصغیر الکربلائي و الحاج ملا باسم الکربلائي

يـبـنـي الـضـيـعـتني بضيعتك مني....دوهني زماني بيك دوهني
******
دوهـنـي زماني وتاه مني الراي..... يلب حشاي يالمنگطع من حشاي
يـماي  العين عگبك نزل بيها الماي ...... ظني چان بيك وخيبت ظني
******
ظني  خاب يوليدي وگطعت الياس..... يعصابة الراس البيك رفع الراس
يـنوماس  الچسب  بالغانمه النوماس..... إغتنمتك والمنايه إغتنمتك مني
******
الـمـنايه إغتنمتك مني وبعد هيهات.....ترد يبني ويرد ليّه زماني الفات
يـسـبـاح الچبد عودك تلوى ومات.... وساعات المنايه بيك چادني
******
چادتـني  المنايه ومالي حيل الچود .... حيلي وياك راح ومن تعود يعود
يـعگل الـراس ويـاك العگل مفگود.... سودني هوى فرگاك سودني
******
سـودني  هوى فرگاك واختليت....على فراگك يجاسم دم دمع هليت
الـعمد لو طاح من البيت طاح البيت.. وانا بيتي إنهدم وعلى العمد وني
******
اونن  وانتحب وشجي حمام الدوح.... وعلمت الورگ والدلم فن النوح
روحـي ويـاك راحت درد ليّه الروح.... لمك آه يروحي شبعدك عني
******
عـنـي شـبعدك يلبالگلب مرعاك.....بايام الحمل گلبي شكثر باراك
يـجـاسـم من عگب حملك ليالي رباك....حاربت الرغد والنوم خلني
******
حاربت الرغد يبني ولذيذ النوم....واهز مهدك يجاسم وارجى بيك علوم
وادور  يـوم بـيـك وخوش هذا اليوم.....صابني النوايب بيه صابني
******
صـابني  النوايب  والسهم جراح....لوى هرش الگلب وتگطع السباح
ردت  يرتاح گلبي بيك خوش ارتاح... وخوش ذخرتك لعازة كبر سني
******
لـكـبر سني ذخرتك يولدي وارجاك.... من تطلع تجيب الموزمه وياك
تـسلاني النوايب يولدي وما اسلاك..... شلون اسلاك وايامك يذجرني