يا جاسم انا حسين عمك و ادير العين - مكتوبة
باسم الكربلائي
قصيدة : يـا جـاسـم آنـه حـسين
الشاعر : الأديب الحاج جابر الكاظمي
الرادود : الحاج ملا باسم الكربلائي
يـا جـاسـم آنـه حـسين *** عمك وادير العين
يـا اغـلـى مـن الـروح *** هذا الحسن مذبوح
يـــمـــك يـــجـــاســم
******
يمن وجه الحسن وجهك *** امن اشوف شايف ابن امي
تـمـزق غـيـمـة اهمومي *** لمن تندهني يا عمي
احـس هـالكلمة بلسانك *** ترافه وتجلى كل همي
اشـكـثر عندي عزيز انته *** ومعزتك تمرح ابدمي
يـجاسم واشتظن هين *** اعله جسمك خزن ابجسمي
يـم جـثـتـك ونـيـت ** بـجروحك احتاريت
مـو جـسـمـك الـمجروح ** هذا الحسن مذبوح
يـــمـــك يـــجـــاســم
******
يـجـاسم جنت اظن قلبي *** عله الكلفه صخر مرمر
عـكس ما جنت اظن لنه *** انصدع بهمومه واتفطر
صـحـت هـذا الـقلب حقه *** لون بفراقك اتأثر
مـهو افراكك هضم حالي *** مثل فركة علي الاكبر
اجـيـت لمصرعك شفتك *** بدر فوق الثره اموذر
مـن شـفـتـك ابـها الحال ** تعرف لساني اشقال
مـو دمـك الـمـسـفـوح *** هذا الحسن مذبوح
يـــمـــك يـــجـــاســم
******
الـدهـر وجـه علي جوره **** ابمرامي الهم تولاني
واجيت لصوبك اتخطه **** اعله كيد اهمومي واحزاني
انحنيت اعله الجسد كصدي **** احمله لصوب صيواني
حـرت احـمـل كـتـر منه **** يقع منه كتر ثاني
صـحـت لا ويـن يا جاسم *** مهب الضيم وداني
انـاظـر مـذهـبات الروح *** عقب عيناك خلاني
ضـيـم الـوكـت هـالـيوم ***فجر دمعي ادموم
انـحـب واصـيـح ابـنوح ** هذا الحسن مذبوح
يـــمـــك يـــجـــاســم
******
مـثـل نـوحي لعلي الاكبر *** نحت يبن الحسن يمك
اعجزت جني جبل شايل *** يجاسم من شلت جسمك
نـوب اهـمـومي تسندني *** ونوب اتسند ابهمتك
اعـلـه مفرك ضيمي خليتك *** قبل لا تنظرك امك
اصـد لـمنازف اجروحك *** اشبيدي يا بعدة عمك
ويـا جـرح الاشـمـنـه *** يخضب شيبتي ابدمك
دمـعـي اخـتـلط بدماك *** وحيرني دهري اوياك
انـظـر جـسـد مـطروح *** هذا الحسن مذبوح
يـــمـــك يـــجـــاســم
******
عـفت جسمك عالغبره *** ورحت صوب الخيم هايم
افـزع وانـتخي وانحب *** وجبت عمك قمر هاشم
صـحت ساعدني يا عباس *** خل نحمل جسم جاسم
اجـيـنه ونمشي كل خطوة *** يرافكها دمع ساجم
بـجـه الـعباس من شافك *** صريع اعله الترب نايم
ومـثـل حـالي صبح حاله *** حزين وعالجسد حايم
يـا جـاسـم احـمـلـنـاك ** وبـالخيمة خليناك
دامـي وتـسـيـل اجـروح ** هذا الحسن مذبوح
يـــمـــك يـــجـــاســم
******
اوكـفت بالخيمة وعيوني *** ابدمعها لجسمك اتنظره
وبـيـن الاكـبـر وبينك *** اكعدت بمهامل العبره
اصـد واتمايز اجروحك *** والوجن واجذب الحسرة
ونـوبـة اتـمـثـل الاكبر *** واشمه ابموضع الطبره
حـرت مـابـيـنـك وبينه *** يجاسم اطفي ياجمرة
يـعـين الله اشكثر قلبي *** هضم شاف وغصص مرة
حـايـر اروحـن ويـن ** مـن مـرهـفات البين
شـفـت ابـنـظـر مشبوح ** هذا الحسن مذبوح
يـــمـــك يـــجـــاســم
******
انـهضت نهضة ثجيل الهم *** وتهايل حيلي واتضعضع
اصـيحن جنت اظن طايح *** اخويه الحسن بالمصرع
اصـد لـن الـحسن يمي *** حضر بالحسرة والمدمع
انـحـنه اعله الاكبر يشمه ** وترك جسم ابنه الموزع
اهـضـمتني حالة ابن امي *** وتشعب قلبي واتصدع
سـمـعـتـه يخاطب اوليده *** عساني لا جنت اسمع
يـبـنـي يـجـاسم صاح *** مو جسم الاكبر طاح
اولا دم وريـد ايـفـوح *** هـذا الـحسن مذبوح
يـــمـــك يـــجـــاســم
play_arrow
play_arrow
play_arrow
play_arrow
play_arrow
play_arrow
تعليقات