يا شايل نعش أبوي قبل لا يدفنونه - مكتوبة

قصیدة : يـشـايـل  نـعـش أبونه

الشاعر : الأديب الحاج جابر الكاظمي

الرادود : الحاج ملا باسم الكربلائی

يـشـايـل  نـعـش أبونه ..... گبل لا يدفنونه
أودعــنـه  ................. و أشـوفـنـه
گـــبـــل      لا     يـدفـنـونـــه
*****
هـالصيحه  من  قلب الحسن و احسين وياه ايصيح
غـرب اهـلال الـمرتضه و دمع الجفن دم ايسيح
و الـنوب إجت زينب تحت تنهض و تعثر و اتطيح
هـايـم قـلـب زيـنب مثل طير و يخفق بالريح
تـصـيـح آنـه الحزينه ..... و بعد ما ظن ولينه
يـعـود  إلـنـه  ................. و أشـوفنه
گـــبـــل      لا     يـدفـنـونـــه
*****
يـا  من شلت نعش الأبو ابهونك عسه افراقه ابعيد
يـالـعـذبـتـنـي ابمشيتك بالوالي لا وين اتريد
قـبـلـه تـمـنيت الأجل لو جان يحصل بالإييد
بـعـيـنـي أشـوف اجنازته و اتريد دلالي ايهيد
ابـويـه  من  انين أجيبه ..... و دليلي من المصيبه
انـقـطـع ظـنـه ................. و أشوفنه
گـــبـــل      لا     يـدفـنـونـــه
*****
اشـلون  أحمل افراق الأبو عالفرقه ما ظل كل حيل
سـاعـات  لـيـلي  قوضت بين النوايح و الويل
قـلـبـي مـثـل طير القضه من يجفل بتالي الليل
و جفني مثل سدت حزن و انكسرت ابوجهه السيل
يـصـبـحـنـي مـصابي ..... و يمسيني عذابي
أجــر ونـه ................. و أشـوفـنـه
گـــبـــل      لا     يـدفـنـونـــه
*****
مـا عندي مهجه للنعي و انخمد من عندي الصوت
مـن  بـعد  أبويه المرتضه اشخله بعد عندي الموت
بيدي  احفرت  قلبي لحد و اضلوعي صارت تابوت
و  الـنـاس ظـلت ناطره اجنازة علي يمته اتفوت
ولـيـنـه  يـالتشيعه ..... انتظرني و خل أودعه
و أشـمـنـه ................. و أشـوفـنـه
گـــبـــل      لا     يـدفـنـونـــه
*****
يـا  شـايـل اجـنازة علي لا تاذي قلب الأيتام
تـانـيـها  لا  تمشي ابعجل اعليمن تخف الأجذام
خـلـيها تمشي ويه النعش و اتودع ابوها الضرغام
و لـمـن تـنـزلـه ابحفرته لا تلجم اصواب الهام
الـحـزن  هـيج حنيني ..... و أريد ابدمع عيني
أغـسـلـنـه  ................. و أشـوفـنه
گـــبـــل      لا     يـدفـنـونـــه
*****
بـيا  حاله  هالليله الحسن و بيا وضع أمسه احسين
واحـد  حنه اضلوع الهضم واحد يصب دمع العين
و  الـبـيـن هـذي حـالته ما غير أطباعه البين
اصبي  عيني من عيني انفقد و من انين أجيبنه من انين
بـفـقـد  ريـف اليتامه ..... نحت نوح الحمامه
انـشـدت  عـنـه ................. و أشوفنه
گـــبـــل      لا     يـدفـنـونـــه
*****
لـيـلـة أمـس يـمنه الولي هالليله من يمنه غاب
كل شي احسبت بس فركته ما حسبت الها احساب
و  اسـنـيـن عمره اتناثرت بين الحجر و المحراب
يـا  نـاس  هـم شفتو بدر ينحجب ما بين اتراب
تـبـاريـنـي المصايب ..... أصيح و قلبي ذايب
أحـشـمـنـه ................. و أشـوفـنه
گـــبـــل      لا     يـدفـنـونـــه