ياحامي الجار بيك شصار - مكتوبة

الشاعر : المرحوم السيد باقر الهندي

يـحـامـي الـجار بيك اشصارللزهره متحميها
تـبـجي و تشتكي و تسمع بواجيها و شكاويها
******
لـلـزهـره مـتحميها يبو الحسنين بيك اشصار
سـيـفـك قـلـت احدوده يو فريت يا كرار
يـوم  الـقـوم إجـو ليكم ووجوا بابكم بالنار
و  الـزهـره  تـدافـعـهـم مـا تنغر يواليها
******
بـيـديـهـا تـدافعهم خوف و روحها راحت
عـنـهـم  لـوذت  بـالبا عصروها لما طاحت
كـسر اضلوعها بالباب طرحت محسن و صاحت
تـعـالـي لـي يـفضه اتريد بس وحده تباريها
******
اتصيح و تندهي ابفضه يبو الحسنين و انت اتشوف
مـا رديـت لـهـفتها و انت غوث كل ملهوف
ردوا  لـيـك حـاطوا بيك قادوك ابحبل مجتوف
و مـا شـفـنـه قبل يومك أشياه اتقود راعيها
******
انـت الـطوعيت الجن و انت اللي دحيت الباب
مـا  شـفـنه قبل يومك ليث الغاب بيده اذياب
مـا هـابـوك يالهابك ابوسط الغاب ليث الغاب
أولـهـا بـنـيـت الـديـن هـالهدموه تاليها
******
تـالـيـهـا  الشجاني و زاد همي و زيده الغمي
و أرخـص غالي ادموعي و أجري امن الجفن دمي
يـوم  الـصـاحـت الزهره خلوا عن إبن عمي
صـاح الـرجس يا قنفد و لك بالصوت رد ليها
******
رد  لـيـهـا  و روعـها و لوعها و هي اتنادي
لـفـرع  و  أشـتجي لله ابكل اللي عليّ سادي
يـو خـلـوا عـن الـكرار لا اتيتمون اولادي
تـبـجـي  و الـعـصه ويلاه تتلوه عله ايديها
******
من  ضرب  العصي ما ظل حال إلها و لا ظل حيل
لـمـا مـاتـت ابـغصتها يويلي ولا يفيد الويل
غـسـلـهـا  علي بيده و شيعها و دفنها ابليل
و رد بـس يـجـذب الونه و بس يتلهف اعليها