ياحسين عاهدناك ياحسين بايعناك - مكتوبة

للشاعر : السيد سعيد الصافي الرميثي

يـحـسـيـن عـاهـدنـاك .... يـحـسـيـن بـايـعناك
مــن الــمــهــد .... هـــذا الــعــهـــد
يــحــســيــن                 بــايــعــنــاك
******
صـوت مـن عـمـق الـضـمـايـر مـو لفظ فوق اللسان
صـحـنـه مـا نـخـلـف عـهـدنه اشما كصه اويانه الزمان
احـسـيـن  يـالـنـهـجـك سفينه ورست بشطوط الأمان
حـبـك الـيـسـري ابـدمـانـه بـالـحـشر أكبر ضمان
مصباح الهده وجهك الوضاح .... و حبك بالكلوب اشلون ينزاح
فـدوه اروح الك يحسين الأرواح .... عاشت روحك الحره الأبيه
مـــيـزول  أبــد  ....  هـــذا  الــعــهـــد
******
بـشـخـصـك الـمـسـنـه الـحـقـيقه ثابته بطول الدهر
و  كـربـلـه لـلـيـوم تـعـكـس عـنـك أنواع الصور
و شـفـنـه بـيـهـا اشـلـون دمـك فاق عالسيف انتصر
و  شـفـنـه بـيـهـا الـمـوت عـزه و اليعيش بذل خسر
و  انـتـه علمتنه هاي لطباع .... كلتنه النه الضماير عيب تنباع
و  تـالـيـتـه الخساره الحب لطماع .... و العز للرجال المبدأيه
و  لــلـمـعـتـقـد .... هـــذا الــعــهـــد
******
ادروس  مـن عـدك أخـذنـه يـا حـسـيـن و مـو درس
الـغـيـم لـو يـحـجـب سـمـانـه فكرك الصادق شمس
حـبـك الـطـاهـر نـحـسـه بـكـل وكـت عز للنفس
فـرق  بـيـن الـلـي يـشـاهـد و الـذي يـلمس يلمس
و  احـنـه الـلي لمسنه بطول ليام .... انته الثبتت منهاج لسلام
يـالـذكـراك  يـتـخلد بكل عام .... يا ضي الرساله الأحمديه
لا  مــا  خــمــد  .... هـــذا الــعــهـــد
******
مـن طـلـعـت مـن الـمـديـنـه جـنـت تـعلم بالمصير
مـا جـنـت رايـد الـمـنـصـب ردت إحـيـاء الـضمير
لـلـقـيـاده يـا هـو مـثـلـك و انـتـه من أشرف أمير
كـتـب  بـالآف وصـلـت بـيـك كـانـت تـسـتجير
و كـل أهـل الـعراق اموقعه بيها .... منك تطلب بسرعه تجيها
يـا  حـسين الظلم سيطر عليها .... و اتريد الخلاص من آل أميه
و  انــطـت  وعــد  .... هـــذا الــعــهـــد
******
مـن  وصـل لـيـهـم سـفـيـرك يـحـمـل بجفه كتاب
و قـال الـهـم آنـه بـن عـمـه و جـيت من سيد لشباب
غـذرت بـمـسـلـم شـجـاهـا الـوادم انـكلبت اذياب
يـا حـسـيـن و انـتـه تـدري اتـغـيرت شنهي الاسباب
غــذرت  بــعــد  ....  هـــذا الــعــهـــد