قصيدة : يا سيّدي يا سيّدي يا حســــين
للشاعر : الأديب الحاج جابر الكاظمي
الرادود : الحاج ملا جلیل الکربلائی
يا سيّدي يا سيّدي يا حســــين
******
يحسين يا نمن للعدل تهديــــــــــــنه امتك احنه وبســــــــمك اتسميــــــــنه
كربلا اتصرح عن شرف ماضيـــــنه للهدف كلما نمتــــــــــلك ضحيــــــــنه
تضحيةً داميةً كــــــــــلّ حــــــــــــين
يا سيّدي يا سيّدي يا حســــين
******
عن سابقة ايمان خطينه اويـــــــــاك عهد الموده وبالعهد بايعـــــــــــــــناك
بالذات بالدم بالضماير عــــــــــشناك شفنه المصاعب لجلك وما عــــــفناك
يا غايةً يا رايةً فــــــــي اليــــــــدين
يا سيّدي يا سيّدي يا حســــين
******
كل عصر بالمجتمع يظــــــهر تــــيار يجرف الناس ابمغريات الافكــــــــــار
واحنه اعله حبك نثبت وما ننهـــــار اعرفنه الصمود ابجبهة المؤمن صار
كرامةً علامـــــةً فــــــي الجبــــــــين
يا سيّدي يا سيّدي يا حســــين
******
يحسين من سئلونه عــــــن آثــــارك قدمنه الهم نبذه من أفكــــــــــــــــارك
شافوك شعله وما تغيب انــــــــوارك شافوك منبع ما تجف انهـــــــــــــارك
جــــــاريةً صافــــــــيةً كاللجــــــــين
يا سيّدي يا سيّدي يا حســــين
******
يالأنجزت أهــــــــداف هـــــاي الامه عالمك عالم تضحـــــــيات وهــــــــمه
غايتك ترفــــــع امـــــــتك للقـــــــمه فوگ الترب نحــــــــرك تفايض دمـــه
كيف جرى فوق الثرى يا طعـــــــين
يا سيّدي يا سيّدي يا حســــين
******
من شفت امة جدك بأتعس حــــــــال قدمت لجل الامه حتى الاطـــــــــــــفال
براس الرمح راسك يبو اليمه انشال كل غايتك ترتفع روس الأجـــــــــــيال
يا رائــــــــداً يا خالــــــداً في السنين
يا سيّدي يا سيّدي يا حســــين
******
يحسين يالدمك نـــزف بالمــــــــيدان لمصيبتك ما طفت نـــار الاحــــــــزان
ليل ونهار يسيل دمــــــــع الاشجــان واتوجرت بگلوبنه اثلـــــــــــث نيران
أشجانــــنا أحزانــــــــنا والأنــــــــين
يا سيّدي يا سيّدي يا حســــين
play_arrow
play_arrow
play_arrow
play_arrow
play_arrow
play_arrow
تعليقات