يالأكبر زماني بيك صوبني وغربني عقب عيناك - مكتوبة

الشاعر : الأديب الحاج جابر الكاظمي

يــــــالأكبر زمـــــــاني بـــــيك صوّبني          وغرّبنــــــــي عگــــــب عيناك غرّبني

* * *

تــــــغرّبت وگطـــــعت الأمل يا رجواي          يا وردة حـــــياتي الـــــراتعه بـحشاي

لـــو چــان الدوه ايطيّب الجرح والدّاي          أنـــــه جــروحي تطيب ابشوفتك يبني

* * *

گــــلبي إبشـــــــوفـــتك تـتلايم جروحه          وترد للجــــــسم روحـــه يا بعد روحه

يــــضّي العــــين عيني عليك مشبوحه          اگــــــولن بلــــــچي لأمـك تجي متعني

* * *

تــــــــتعنه ويــــــرد ذاك الدلال الــراح          يــــا مـــصباح عيني الفاجده المصباح

لمــــــن طحــــــت بيت اللي عليّه طاح          إو ونّ الدوح مـــــا يـــختلف عن ونّي

* * *

أونـــــنّ والــــــدموع تـــسيل من دمك          گوم وشـــــوف حـــــال امــك يبعد امك

يــــــريت تــــراب گبرك يولدي الضمّك          مــــن گــبلك يالأكبر كون إلي يضمني

* * *

يــــضمني ولا أظــل أنحب على فرگاك          شمـــــحله الموت يبني لو يصير وياك

تـــــضن أنـــــساك يـــالأكبر فلا أنساك          الّه يـــــطيب جــــرح السوط من متني

* * *

مـــــا أنــــساك لمّن جرح متني ايطيب          يــــا رفعة الراس الــــلي غزاه الشيب

الــــذخر لـو چان عند الموزمات يغيب          چـــــا إلمـــــن ذخـــــرتك يالغبت عني

* * *

غبـــت عني وحرمت عيوني من ضيّك          يـــــا كـــــاسر وجــــودي الفاجده فيّك

شجـــــاوب مــــن يــنشدوني أهل حيّك          اگولن بالشــــــدد غــــــاب التــــكفلني

* * *

تــــــكفلني وطـــــلعت ابشيمته وبحماه          وبساعـــــة الشـــــده اتـــــفارگت ويّاه

الخـــــــلاّني وحـــيده إعله الترب خلاّه          وصـــــابنّي مــــرامي الهـــظم صابني

* * *

مــرامي الهـــظم صابنّي وبگيت أحبي          انــــگطع گــلبي ابگطعتك يا ثمر گلبي

يــــا شــــمعة وجـــودي الذايبه ابعتبي          أكثر العتـــــب لـــــو أدريـــك تسمعني

* * *

تـــــسمعني وتـــــرد يوليدي ليّـه ردود          يـــــا صــــيوان خدري الفاجد العامود

يــــگولون الصـبر لأهل الصبر محمود          محّـــنت الــــصبر والــــــصبر محّنني

* * *

صـــــبرت وروحـــي ولها تريد منواها          وشـــــفت ام الـــــفصيل تـسيل عيناها

تگــــــابلنه ونحـــن گلمن على اضناها          النـــــوب ام الفصيل إجزعت من حنّي

* * *

مـن حنّي اجزعت وبگيت وحدي هناك          احـــــنن وانـــــتحب يــــالأكبر لفرگاك

گـــوم وشــــوف عـين امك تهل ادماك          مـــــا أنـــــساك الّـــــه المــحن ينسنّي

* * *

أنــــسه ومــــا أگـــــولن ضيعت ضيعه          يا ريــــع الگــــلب عگـبك نشف ريعه

ومثـــــلك بالبـــــواتر صـــــار تگطيعه          ومثل جسمك سيـــــوف الهظم وذرنّي

* * *

وذرنـــــني إو ولمــــهن مـا أظن يزول          الّه ابشوفـــــتك يـــــدعج يحلو الطول

محـــــن فــــرگاك هــم اتزول يا مدلول          لـــــو للگــــــبر يــــــالأكبر يــــودنني