يالعايش بوسط الروح - مكتوبة

قصيدة : يالعايش بوسط الروح
الرادود : الحاج ملا باسم الكربلائي
المناسبة : رثاء رملة لابنها القاسم ع

يالعايش بوسط الروح ياساكن صبي عيني
كلما يتيهني الظيم يم جسمك يلاگيني
******
صحوة أجل يا جسام صار العمر يا وليدي
شفرة مصابك بالنوح ذبحت مسرة عيدي
ومناثر سهام البين أشگف رميهم بيدي
يا وليدي ما غير الآه بفراگك يواسيني
******
ما شفت گبلك عريس يتحنى من دم نحره
و أهله و عمامه زفوه بالنايحة و العبرة
عرسك يا سلوان الروح دوهني بالطف أمره
أنحب و أحن لفرگاك و آنه السقم باليني
******
يا جاسم شلون تغيب عن النواظر شمسك
وشلون صارت أحزان ليلة محافل عرسك
صبي عيني مدفون وياك و بنايباته يحرسك
و آنه إلصفت بنت الدوح تاخذ مرامي ونيني
******
هيجني يبني بفرگاك حزني وتمزگ صبري
عگبك تبلاني الظيم فرهد ملاحة عمري
سلمني جور الأيام يبني لضراوة دهري
بعدك يصبحني النوح و النايبة تمسيني
******
يتلاهبن بين حشاي من كل كتر نيراني
وآنه بدمع دم يسيل أخمد جمر أحزاني
چم فاجعة چم مصاب جور الوكت راواني
وما أدري شتشوف العين وشرايح يراوني