قصيدة : يمته ننصب محكمة
للشاعر : علي الخفاجي
ليلة ١٨ جمادى الأول ١٤٣٩هـ - الفاو
كربله_لو_كلها_ماي صرت_مجنون_الحسين
يمته ننصب محكمه
فاطمه يا فاطمه
♦️♦️♦️♦️♦️
صوت من جوف الحناجر
للزجيه نرفعه
الج بتراب المدينه
هدموا قبور اربعه
يمته اذان الشيعه يمكم
بالمناير نسمعه
ذهب نبنيها القباب
و هالخبر ما اروعه
و احنه صوت الملحمه
فاطمه يا فاطمه
♦️♦️♦️♦️♦️
مو مثلهم احنه شيعه
ما ركضنه اعله السراب
باجر انرجع البقيع
و تخلص سنين العذاب
معتقدنه و ما نعوفه
لو يقطعون الرقاب
اصبح الموعد قريب
و عدنه وياهم حساب
و البقيع مهدمه
فاطمه يا فاطمه
♦️♦️♦️♦️♦️
احنه عشاق الشهاده
و عالمحبه معلمين
ما نعيش و ما نموت
بدنيه ما بيها الحسين
كربلا الطيبه مثلها
وين تحصل منها وين
احنه من عدها انخلقنه
و ليها باجر راجعين
تشهد اعلينه السمه
فاطمه يا فاطمه
♦️♦️♦️♦️♦️
ما تبعنه الدنيه لحظه
و صرنه وياها نميل
احنه ضحينه و نضحي
ما نعوفج مستحيل
ما هوينه و ما عشقنه
بس علي حامي الدخيل
نسحق بروس النواصب
بينه لو رادت نعيل
و العلينه نقدمه
فاطمه يا فاطمه
♦️♦️♦️♦️♦️
انه محبوبي الهويته
ما سجد يوم الهبل
هاي مشهوده بصفاته
لو قلت خير العمل
احذر المجروح لمن
تنظر ابعينه الزعل
سيف ذو الفقار عدنه
للمجد مضرب مثل
يشهد الحامي الحمه
فاطمه يا فاطمه
♦️♦️♦️♦️♦️
يا زمان الخوف كافي
مو بعد ما ظل صبر
كافي مو كل يوم يرجع
حرمله بصوت اليسر
نمشي مجروحين و احنه
دموع ما تقبل عذر
دمنه اقرب للحقيقة
و باجر الدم ينتصر
و احنه ضحينه الدمه
فاطمه يا فاطمه
♦️♦️♦️♦️♦️
play_arrow
play_arrow
play_arrow
play_arrow
play_arrow
play_arrow
تعليقات