رايات أم الوفه

قصيدة : رايات أم الوفه
الشاعر : حسين الخالدي

الرادود : الحاج ملا باسم الكربلائي
المناسبة : ليلة ٤ - شهر محرم الحرام ١٤٣٧ هـ
حسينية المرحوم داود العاشور - البصرة

 

ﻟﻮ ﺭﺍﻳﺪ ﺗﺸﻴﻞ ﺍﺑﺠﻔﻚ ﺍﻟﺮﺍﻳﺔ ... ﻣﻦ ﺃﻡ ﺍﻟﺒﻨﻴﻦ ﺍﺗﻌﻠﻢ ﺍﻟﻐﺎﻳﺔ
ﻏﺎﻳﺎﺕ ﺃﻡ ﺍﻟﻮﻓﻪ ...ﺭﺍﻳﺎﺕ ﺃﻡ ﺍﻟﻮﻓﻪ

******
ﻣﻮﺍﻗﻔﻬﺎ ﻣﻨﺎﻗﺐ ﺗﻨﺬﻛﺮ ﻟﻠﻨﺎﺱ ... ﺑﻮﺍﺟﻴﻬﺎ ﺳﻮﺍﻟﻒ ﻗﻤﺔ ﺍﻹﺣﺴﺎﺱ
ﺗﺠﻴﺐ ﺍﺣﺮﻭﻑ ﺯﻳﻨﺐ ﻏﺬﺕ ﺍﻟﻌﺒﺎﺱ ...ﻣﻦ ﻣﻬﺪﻩ ﻭ ﺗﻌﻠﻤﻪ ﻭ ﻗﺮﺗﻪ ﺍﻗﺮﺍﻳﻪ
ﻫﺎﻱ ﺃﻡ ﺍﻟﺒﻨﻴﻦ ﺍﻟﺘﻨﺬﺭ ﺍﻷﻭﻻﺩ ... ﻣﺎ ﺻﺎﺣﺖ ﻭﻟﺪﻫﺎ ﺍﺗﺼﻴﺢ ﺃﺑﻮ ﺍﻟﺴﺠﺎﺩ
ﺗﻈﻞ ﺑﺎﺏ ﺍﻟﺤﻮﺍﺋﺞ ﻟﻠﻴﺮﻳﺪ ﺍﻣﺮﺍﺩ ... ﻣﻨﺒﻊ ﻟﻠﻮﻓﺎﺀ ﻭ ﻟﻠﺒﺸﺮ ﺁﻳﻪ
ﺇﺟﻪ ﺍﻟﻨﺎﻋﻲ ﻳﻘﻠﻬﺎ ﺍﺩﻣﻮﻋﺞ ﺑﻌﻴﻨﺞ ... ﻫﺎ ﻳﻢ ﺍﻟﺒﻨﻴﻦ ﻋﺎﻟﺼﺒﺮ ﻭﻳﻨﺞ
ﺣﺮﻗﻮﻫﺎ ﺍﻟﺨﻴﺎﻡ ﻭ ﺫﺑﺤﻮﺍ ﺍﺣﺴﻴﻨﺞ ...ﻭ ﺯﻳﻨﺐ ﺑﻌﺪ ﺃﺧﻮﻫﺎ ﺗﻨﺴﺒﻲ ﺍﺳﺒﺎﻳﻪ
ﻣﺜﻞ ﺍﺧﻴﺎﻡ ﺯﻳﻨﺐ ﺗﺤﺘﺮﻕ ﻣﺮﺍﺕ ... ﻋﺪﻫﺎ ﺃﻃﺒﺎﻉ ﻟﺒﻮﻩ ﻣﺎ ﺗﺬﻝ ﻫﻴﻬﺎﺕ
ﺗﻮﺃﻣﻬﺎ ﺍﻟﺸﻤﻮﺥ ﻭ ﺩﺍﺳﺖ ﺍﻟﺼﻌﺒﺎﺕ ... ﺧﺬﺕ ﻃﺒﻊ ﺍﻟﺰﺟﻴﺔ ﻭ ﺗﺒﻘﻪ ﻭﻓّﺎﻳﻪ
ﺿﺤﺖ ﺑﺮﺑﻌﺔ ﻭ ﻣﺎ ﺳﺄﻟﺖ ﺍﻋﻠﻴﻬﻢ ... ﺑﺪﻭﻳﺔ ﺃﺻﻴﻠﺔ ﻭ ﻋﺰﻡ ﺗﻨﻄﻴﻬﻢ
ﺗﻨﺎﺩﻱ ﺣﺴﻴﻦ ﻳﻤَّﻪ ﻭ ﻣﺎ ﺗﻨﺎﺩﻳﻬﻢ ... ﺗﺮﺑﺎﺗﻚ ﻋﻠﻲ ﻭ ﻳﺎ ﻧﻌﻢ ﺍﻟﺮﺑﺎﻳﻪ
ﻧﺤﺮ ﺣﺴﻴﻦ ﻗﺼﺔ ﻭ ﻫﻲ ﺗﺮﻭﻳﻬﺎ ... ﻋﻠﻪ ﺇﻟﺴﺎﻥ ﺍﻟﺪﻫﺮ ﻛﻞ ﻳﻮﻡ ﻳﺤﺠﻴﻬﺎ
ﺇﺫﺍ ﺷﺎﻓﺖ ﺭﻣﺢ ﺣﺘﻤﺎً ﻳﺄﺫﻳﻬﺎ ... ﻭ ﺇﺫﺍ ﺳﻤﻌﺖ ﺧﻴﻢ ﺗﺠﺮﻳﻬﺎ ﺍﻟﺤﺠﺎﻳﻪ
ﺗﻘﻮﻝ ﺃﻡ ﺍﻟﺒﻨﻴﻦ ﺍﻟﻜﻞ ﺷﺨﺺ ﻟﻄﺎﻡ ...ﺃﻧﺎ ﺑﺒﺎﺏ ﺍﻟﻤﻮﺍﻛﺐ ﻗﺎﻋﺪﺓ ﻣﻦ ﺍﻟﻌﺎﻡ
ﻳﺠﻲ ﻋﺎﺷﻮﺭ ﻭ ﺁﻧﻲ ﺑﺄﻭﻝ ﺍﻟﺨﺪﺍﻡ ...ﻋﻠﻪ ﺻﻮﺕ ﺍﻟﻠﻄﻢ ﺃﺗﻌﻨﻪ ﻣﺸّﺎﻳﻪ