موسى بن جعفر باب الحوائج (مكتوبة) - باسم الكربلائي
منذ ٨ سنوات٤٨١مشاهده
قصیدة : موسه بن جعفر...باب الحوائج
موسه بن جعفر...باب الحوائج
بالشدد يحضر...باب الحوائج
******
صاحب السجدة الطويلة اسجد اعله اعتابه
و اعتقد يسمع كلامك من تصل يم بابه
و النعم باب الحوائج ما يرد أحبابه
ما يخيّب اليعتني له و دمعته سجابه
ما يرد مضطر...باب الحوائج
******
قله هاضمني زماني جيت أريد أشكي لك
اتقدّر ادموع الموالي الهالسبب أبجي لك
موسه بن جعفر اجيتك لا تردني ادخيلك
حضرتك يسكت لساني دمعتي التحجي لك
اسمك اتقرر...باب الحوائج
******
الناس كل الناس تدري بابك اتعنيته
الطيب ابن الطيب انت و طيبك اترجيته
يا كريم بباب دارك ماي وجهي انطيته
الغير جفك انت تدري جفي ما مديته
حاشه تتعذر...باب الحوائج
******
آنا مو أول موالي أطلب و تنطيني
حاشه بو الجفوف السخية حاير ايخليني
وين أروح الغير بابك سيدي دليني
الناس تدري بالعلاقة البينك و ما بيني
خادم المنبر...باب الحوائج
******
حزنك ايعيش بضميري و خدمتك عنواني
ما نسيتك و آنا أدري انت ما تنساني
ما تشمت الناس بيَّ هذا بيك إيماني
أرد أقول امن اعتنيتك إنطاني ما رداني
قاصد ينسر...باب الحوائج
******
عندي بس اثلث حوائج سيدي يالكاظم
طلبتي الأوله السلامة للإمام القائم
الثانية زينب أمانة لا يجييها الظالم
الثالثة الآخر حياتي أبقه عدكم خادم
دّني مو أكثر...باب الحوائج
التعلیقات