نسيم الفرحة (مكتوبة) - باسم الكربلائي
منذ ٨ سنوات٦٤٥مشاهده
قصیدة : نسيم الفرحة
الشاعر : سيد عبدالخالق المحنه
الرادود : الحاج ملا باسم الكربلائی
في حسينية المرحوم الحاج داود العاشور
خبر هالليله عندي...نسيم الفرحه يبدي
يلوق إبراسك التاج...يبو الغيره يمهدي
******
تشع هالليله أنوار الكرامه ...حبيبي اتوّج ابتاج الإمامه
بده دمع الفرح يرسم علامه ...مته تجبر كسر قلب اليتامه
علن جيش التكبر بانتقامه ...إذا ما تنتهض ما كو إستقامه
عجب يبن الصميده...خصومك مو بعيده
قريبه و القلب لاج ...يبو الغيره يمهدي
******
مثلما بايعت حيدر أميري ...يمهدي بايعك قلبي و ضميري
إمام إبيعتك أعرف مصيري ...ابحياتي و بالممات إنت مجيري
أنا إبحبي إلك ما صح نظيري ...عله إجناح الفرح يا روحي طيري
وجوب أعلن كلامي ...أبايع يا إمامي
دموع الفرحه أمواج ...يبو الغيره يمهدي
******
يمهدي الناصبه دوله يريدون ...يريدون بأرض حيدر يحكمون
قصدهم واضح و قدام العيون ...أبد غير الروافض ما يكرهون
أسود الرافضه لمن يزعلون ...على روس التضد حيدر يدوسون
ولد حيدر غياره ...بقوا رهن الإشاره
بحرهم بالزعل هاج...يبو الغيره يمهدي
******
حدود إبلا حدود و يا حسافه ...بني هنده إجونه إبكل صلافه
لقوا ببلادنه أجمل ضيافه ...شمر ويَّ الشمر صار إإتلافه
همج بس بالذبح عدهم ثقافه ...أبد من الله ما عدهم مخافه
نقلهم إحنه شيعه ...وطنه ما نبيعه
خل تتقطع أوداج...يبو الغيره يمهدي
******
جنود الله جنودك بانتظارك ...تزودهم عزم لمعة فقارك
أسف يبن الحسن وصلوا الدارك ...مته تنهض يمهدي يصيح ثارك
يبو صالح تذلهم بانتصارك ...جنودك تنتظر منك قرارك
رغم أنف السقيفه ...علي أول خليفه
علي و ما غيره نحتاج...يبو الغيره يمهدي
******
مته نتوحد إعله الصار ضدنه ...نجيهم جيه وحده إبكل عددنه
نقص رجل الذي يوصل الحدنه ...جيوش الدنيه ما تقدر تردنه
حجينه واحد وواحد عهدنه ...تره غيرة علي و عباس عدنه
إذا يلتم شملنه ...يموت اليوصل إلنه
إبحكمنه ما كو إفراج...يبو الغيره يمهدي
التعلیقات