خديجة
قصيدة : خديجة يبقه ذكرج للأبد
للشاعر : علي الخفاجي
الرادود : الحاج ملا باسم الكربلائی
خديجة يبقه ذكرج للأبد
******
شاركتي طه بفرحته وأحزانه...رب العرش بمحبتج وصانه
طول العمر ذكرج يعيش اويانه ...واليبغض أحفادج نقص إلسانه
غياره لجلج انطينه العهد
******
إنتي الأميره بالحشر نلقاها...من تطب للجنه نطب وياها
كلمه ونوضح للبشر معناها...أم فاطمه للموت ما ننساها
هتفنه حبنه ويانه انولد
******
انتي الحبيبه ال بالعرش صورتها...والزهره من عندج خذت هيبتها
بايع ضميره الينكر اولايتها...كل من يشك بفاطمه وعصمتها
عظيمه إلها بارينه شهد
******
جنتي المحمد إنتي نور أيامه...صرتي اعله كل مسلم فضل إسلامه
دارج نشوفه للوحي علامه...تنزل ملائكة السمه خدامه
تنادي منج انريد المدد
******
فضلج على دين الرسول اشكبره...يا حره مثلج وانتي أم الزهره
لابد تجي الساعه ونشيد الحضره...شيعة علي مرقد خديجه اتعمره
وتغرد يمج اطيور السعد
التعلیقات