أزورك (مكتوبة) - باسم الكربلائي
منذ ٨ سنوات٥٧٢مشاهده
قصيدة : أزورك والزيارة واجبة لو بالعمر مره
الشاعر : ميرزا عادل أشكناني
الرادود : الحاج ملا باسم الكربلائی
أزورك والزيارة واجبة لو بالعمر مره...أزورك والزيارة أدري بألف حجة وألف عُمره
أزورك واليزورك ينحسب أجره عله الزهره
******
اليحج بيت الله كون بحجه ينوي ويقصد القربه...وأنا بهاي الزيارة قاصد القربة ذوي القربة
أنا عبدك شهد بإسمك دليلي والقلب قربه...الجوارك اسمح القلبي يتدنه ومنزلي ايقربه
دخيلك خادمك عبدك يتيمك لايذ بسدك...دخيلك لا يمر يوم أربعينك وآنا مو عندك
دخيلك هالوعد لحظة اعله لحظة عايش أنتظره
******
اليحج ينزع مخيطه وفلسفتها ينزع اذنوبه...ومثل إحرامه يجعل قلبه أبيض هذا مطلوبه
لجن كلمن يجيك إحرامه أسود والحزن ثوبه...وزيارة قبرك أسرع كل طرق للرايد التوبة
طريقك لليريد الله يحبه ويقضي حاجاته...طريقك يمشي بيه المهدي حتماً ويه عماته
طريقك للذي رايد يواسي زينب الكبره
******
اليحج يجمع حصه والغاية منها يرمي شيطانه...و حصه الزاير دموع اعيونه يرمي بيها عدوانه
اليحارب هالمشي ويعلن عدائه بيده ولسانه...تحت أقدام كل زاير مصيره تالي وامجانه
إجينه وهذي مشيتنه رسالة لليعادونه...إجينه والسواد اللي نكثره شوكة بعيونه
إجينه والمحب يطلب وصالك ما طلب أجره
******
بمنه اترابك منه روحي أحقق وأبلغ الغاية...طفوفك أزدلف وبأربعينك أمشي مشّاية
حضوري بعرفة عندي حضوري بمجلس اقراية...وأعيد عيد الأضحه بيوم أضحي دمي للراية
أطوفك و بصحن قبرك أكمل سبعة أشواطي...أطوفك و اسعه وي زينب من التل أوصل الشاطي
أطوفك يا ستار الكعبة لاجن منهتك ستره
******
يكعبة ربنه والركن اليماني مرقد أصحابك...إذا بيت الله ميزابه ايتفايض أصله ميزابك
استلامي للحجر الأسود أجيلك وأستلم بابك...سجودي لله سبحانه وتعاله يحله بأعتابك
أجيلك جيت الضامي اعله مايه ابلهفة يتعنه...أجيلك لاني خايف من جهنم لا ردت جنة
أجيلك عايف الدنيه وراية بس ردت نظره
******
اعله حجك كل خليجي وشامي جاي وعايف ادياره...و اجت عن الرضه من إيران شيعة بهاي الزيارة
يجي خطارك وشفنه العراقي ايحسبه خطاره...من البيشة وتصل للناصرية وكوت واعمارة
مواكب كلها نادت يا حسين بصافي النية...مواكب حله بغداد وسماوة والديوانية
مواكب سفرة وحده من النجف وي سفرة البصرة
التعلیقات