عاشور هل هلاله (مكتوبة) - باسم الكربلائي

قصیدة : عاشور هل هلاله مكتوبة
الشاعر : سید سعید الصافي الرمیثي
الرادود : الحاج ملا باسم الكربلائي
المناسبة : محرم ۱٤۳۸ هـ. اللیلة الثانیة

في حسینیة المرحوم داوود العاشور - البصرة

عَاشور هَل إهلاله
مَأجُور بإستقباله
******
علی اخدودي شِجاهه إدموعي هَمَّله
شَهَر عاشور گالوا بَیَّن إهلاله
******
صِحِت لا هله ابجیتک عسن لا هَلّیت
عساهه ابرُمَد عیني و لیک ما صَدّیت
غیر النایحه ابدارِ الوحي اشخَلّیت
بَچّیت الرسول المصطفی و آله
******
یا شَهرِ المصایب و اللطم و النوح
إهلالک لمّن انشوفه ابسِمانه ایلوح
یِهَیّج کِل مَدامِعنه علی المذبوح
یِخَبّرنه إشجَره إعلی حسین و إعیاله
******
یَـ لشَهرَک إهلاله ابکل سَنَه اِمنِ ایهل
کِل ابیوتنه بیها المناحه اتحِل
وَحَّدها الدموع إعلی الوَجِن تِنزِل
و إعلینه السَواد ایلوگ تِفصَاله
******
نِذِب لون البَیاض و نلبس الأسود
یالجمرة مصابک بینَه ما تُبرَد
و لیوم الحشر یحسین تتوَگد
و المکسور گلبه النوح یحلاله
******
یابوالیِّمه وَ حَگ ضلع أمکِ المکسور
علینه مِن نشوفه ایهل شَهَر عاشور
ابکل شریان دَمنه یا ذبیح ایفور
هذا الـ یِفدي دَمّه و ذاکَ أمواله
******
ابکل مجلس إلک خِدَّام مِجتَمعه
بین الشاعر و بین إلّذي یِنعَه
و بین الینطي ماي ابحَسّره و ابدمعه
ما بین إمحَزِّم و العَزِم شاله
******
شِیقَدّمون یحسین الیِخِدمونَک
یالسِلبوا اِثیابک ما یِجَازونک
و چَم خادم صُبَح یحسین مجنونک
مثل عابس ابحُبَک یِنوِصِف حاله