البحر من شاف (مكتوبة) - باسم الكربلائي

قصيدة : دَخِيل اِتْرابك
الشاعر : ميرزا عادل أشكناني

الرادود : الحاج ملا باسم الكربلائی
المناسبة : شهادة سبع الدجيل ع
26 جمادى الثاني1438|العتبة العباسية

 

البحَر مِنْ شافكْ غِرَگْ بَلْطافَكْ
يَسَيْدِ اِمْحَمَّدْ ما يِنْرَدْ
كلمَن گِصَدْ لك
لِـذِت بَعْتابَكْ دَخِيل اِتْرابك
المعاجِز تِشهَدْ ما يِنْرَدْ
كلمَن گِصَدْ لك
الكرَم مَشهُودْ يَجُود الجُودْ
دَخِيل اِتْرابك
******
محجوب محجوب
اْو بيك الباري جاعِل سِرَّه مكتوم
يعسوب يعسوب
سَبِع تحمي الدِّجيل اوْ حَدها ملزوم
محسوب محسوب
نجْمه اِبِّيت چانوْا كلهم اِنجوم
منسُوب منسُوب
لْمعْصوم إبِنْ معصوم إبِنْ معصوم
كبُرْنا اِبْزادَك دَخيل أجْدادك
خدَم تدرينه خلّينه
دوم ابْخِدِمْتَك
قسَمْ بالغربهْ اْو زَراگ القبَّهْ
تِحِنِّ اِعلينه خلّينه
دوم ابْخِدِمْتَك
اِبْحِماك اِنذود يَجُود الجُودْ
دَخِيل اِتْرابك
******
بالجُود بالجُود
لا حاتَم و لا كَعْبُ اِبْنُ مَامَهْ
مشهُود مشهُود
الكرم بس للبَنِي هاشم عَمامَهْ
محْمُود محْمُود
و إنته ابْن التِظَـلَّلْ بالغَمَامَهْ
مگْصود مگْصود
الْنَار اِبْحَضْرِتَك بَرْد اْو سَلامهْ
اليجيلك مَرَّه تِرِدها ابْعَشره
يَكُبْر اِحظوظه والرَّوضه
محروسه بِسمَك
يليث الغابه الأسود اِتْهابه
(بَلَد) محفوظه والرَّوضه
محروسه بِسمَك
أسَدْ صايُود يَجُود الجُودْ
دَخِيل اِتْرابك
******
يقال أكرم العَرَب في الجاهلية ثلاثة : (حاتم الطائي) و (هرَم بن سِنان) و (كعب بن مامة) وكان كعب أجودهم حسب تصنيف الجاحظ , وله قصّة معروفة حيث إنه مات عطشاً لأنه آثر الماء لصديق سفره , فضربت به العرب الأمثال بالكرم وحسن الجوار فقالوا : ( فلان أجوَد من أبي داوود ويقصدون كعبا )
مَتْعُوف مَتْعُوف
الْدگ بابَك اُو حاشه لْگلبه تِكسِرْ
لِچْفوف لِچْفوف
شبِه غرگانه عالگُبَّه تأشِّر
مَوْصوف مَوْصوف
بِخِيت لْصاحب الحاجه اْو تِشَوِّرْ
معْرُوف معْرُوف
گبُل لا گُول أريد اتگِلّي أبْشِر
شكيتك حَالي گِلِت لا اْتبالي
ترِد اِعْليَّه مگضيَّه
و اِتْگلّي تمَّتْ
المشاكِل كثره اْو تحِلها اِبْـنظره
جَوابك ليَّه مگضيَّه
و اتگلّي تمَّتْ
كفو ابْهالزّود يَجُود الجُودْ
دَخِيل اِتْرابك
******
لِگلوب لِگلوب
اتْهابك و ابْمقامك كلها تعرف
مهيوب مهيوب
يبو الشّارات حَيْ مَيِّت تخوِّف
چم دُوب چم دُوب
الْيِچَذّب بِسْمك انخلّيه يحلِف
و ايْتوبْ و ايْتوب
إسمك بس نجيبه اِيْگوم يرجِف
الْيِبُوگ اِتشوفه اْو تِگِصِّ اچفوفه
تِحِرگه ابْنارك و الزّارك
تاخِذله حگّه
إلَك چَم حَوبه قِصَصْ مكتوبه
التعنّه الدارك و الزّارَك
تاخِذْله حَگَّه
ابْمرامه ايْعود يَجُود الجُودْ
دَخِيل اِتْرابك
******
مَثواك مَثواك
عُگْب موتك تصير اِدخيله لَمْلاك
يَمْناك يَمْناك
مِنْ شبَّاچك اتْحَيِّ اللّي حيَّاك
بِحْماك بِحْماك
الأقاليم السَّبِع و السَّبْع الأفلاكْ
شفناك شفناك
أبو فاضل زمانك و اِعْتِنيناكْ
مَزارَك جُنَّه مَقامَك جَنَّه
الإنِس و الجِنَّه تتعنَّه
اْو تمشي لضريحك
المذاهِب كِلها إذا نِسْألها
نشوف السّنه تتعنَّه
اْو تمشي لضريحك
تجيك اُوْفود يجُود الجُود
دخيل اِترابك
******
چم آهْ چم آهْ
تِجُرها امْن الصّدر للهْ دَرَّكْ
ويلاه ويلاه
تموت اْو أرْبعه اْو عشرين عُمرك
أحَّاه أحَّاه
لو أبچِيِ دِمه لمَّن أذِكرَك
والله والله
يبو جعفر فلا أوفِيك گَدْرَك
لشبابك أنعي و أهَـشِّم ضلعي
اللطم بچفوفي ما يَوفي
حگّك عليّه
اشتفيد العَبره لمصاب العِتره
البچَي يا خوفي ما يَوفي
حگّك عليّه
الچَبد ممرود يَجُود الجُودْ
دَخِيل اِتْرابك
******
ماذيك ماذيك
الْمُعْتَزْ لا أعَزَّ اللهْ قَدْره
يِرْميك يِرمِيك
گوس النايِبه بِسْهام غدره
و اعْليك و اعْليك
أخوك العَـسْكري مكسور ظهره
يبچيك يبچيك
اْو عُمرَك صار بالزَّهره يَذَكره
بچه و اِتذكَّـر الْضِلِعها اتكسَّر
ابْزغرها الزَّهره و العصره
أخْذَت عُمُرها
غِده يتجسَّد مَتِنْها الأسْوَد
بچه اِعْله السَّطره و العصره
أخْذَت عُمُرها
ابْعُمُر لِوْرُود يَجُود الجُودْ
دَخِيل اِتْرابك