أريدك تجيني (مكتوبة) - باسم الكربلائي
منذ ٧ سنوات٣٦٩مشاهده
قصيدة : أريدك تجيني
الشاعر : سيد سعيد الصافي الرميثي
الرادود : الحاج ملا باسم الكربلائي
المناسبة : شهادة السيده زينب ع
15 رجب1438 | العاشور البصرة
أريدك تجيني تغمض العيون
أريدك يخويه ويه اليشيعون
تدخل وياي الگبر
تحسب جروحي اشكثر
تغمض العيون
*****
أنا بعازة حضورك ياكفيل إختك
گبل گطع النِفَس يا ابا الفضل ردتك
عفت عمري إعله جُرف الشاطي من عفتك
تِرد روحي لبدنها بعيني لو شفتك
غريبه وعليها تناخت الناس
غريبه ومصابي يشيب الراس
من بعد ذاك الخدر
تحسب جروحي اشكثر
تغمض العيون
*****
وحيده شلون اموت وخمسه خواني
ولا واحد حظرني وصار دفاني
لَوّن تقره بمكاني قصة أحزاني
تظل ليل ونهار بنوح تنعاني
وحيده وتفرق شمل الاحباب
وحيده وأتاني اليطرق الباب
عيني تربي وأنتظر
تحسب جروحي اشكثر
تغمض العيون
*****
جروح إختك صعوبه عليك تحسبها
عددها تشوفه أكثر من مصايبها
أخبرك يا جرح زينب معذبها
سهم عينك بعين الگلب صوّبها
جعلها تنازع سكرة الموت
جعلها تندبك بآخر الصوت
ليلي مظلم يا بدر
تحسب جروحي اشكثر
تغمض العيون
*****
اذا رايد تجيني تغمض عيوني
على هونك تراهي مجرحه جفوني
يعباس وبعد وصّي اليدفنوني
تراهي ماتزال مورمه متوني
يخويه تراني بس العظام
يخويه خوتني طبت الشام
لو شفتني بيا صبر
تحسب جروحي اشكثر
تغمض العيون
*****
گبل موتي انتظرتك تجي واحجيلك
من ساعة وداعي وياك ابديلك
قصص تدمي الگلب يا قصه ارويلك
چم مره صحت يا كافل دخيلك
عليه ظلامه خيم الليل
عليه اشاهد هجمة الخيل
من صحت لا تعتذر
تحسب جروحي اشكثر
تغمض العيون
*****
على النوگ الهزل من رحت مسبيه
أكابر والمدامع تغلب عليه
عمر من اوله الشهگات تاليه
گضه بحسره وبُگه بس النِفس بيه
شماته رمتني سهام الانظار
شماته ولتني وتركت آثار
أبچي ودموعي جمر
تحسب جروحي اشكثر
تغمض العيون
*****
لَوّن عبد الله عني رايد تنشده
مثل حالي ترا هو هم بگه الوحده
ولد عمه وأخوته راحو و ولده
تره و غير المدامع ما بگت عنده
مصابه يخويه يبچي الجبال
مصابه مصاب اليشده البال
تنطي وجه ليا كتر
تحسب جروحي اشكثر
تغمض العيون
*****
غريبه والزمان القاسي دوهني
بعد بس صبر گلبي اليچفني
من اهلي ولا واحد نشد عني
يشيل جنازتي وبگبري يدفني
نخيتك واتاني واني برجاك
نخيتك كفيلي ولازم انخاك
ردتك بتالي العمر
تحسب جروحي اشكثر
تغمض العيون
التعلیقات