هذا عباس

قصيدة :  هذا عباس
الشاعر : سيد سعيد الصافي

الرادود : الحاج ملا باسم الكربلائی
المناسبة : ميلاد ابو الفضل العباس ع

 

اخو حسين وعضيده .. هذا عباس
رفع راس العقيده .. هذا عباس
ابو السيرة الحميدة .. هذا عباس
******
صحنا عباس
بحر من المكارم .. صحنا عباس
قمر ليل الهواشم .. صحنا عباس
بطل سجل ملاحم .. صحنا عباس
غيور وثغره باسم .. صحنا عباس
******
انخى عباس
اذا عندك قضيه .. انخى عباس
ابو جفوف السخيه .. انخى عباس
كفيل الهاشميه .. انخى عباس
ابو النفس الأبيه .. انخى عباس
******
اسمه عباس
علي يقول انتخبنا .. اسمه عباس
لأن يحمل غضبنا .. اسمه عباس
قمر يضوي بدربنا .. اسمه عباس
احب كل شيعي ابنه .. اسمه عباس
******
نادي عباس
يالدور شفائك .. نادي عباس
اخذ منه دوائك .. نادي عباس
حشى يخيب رجائك .. نادي عباس
شهم يسمع ندائك .. نادي عباس
******
قبره عباس
يفوز اللي تعنه .. قبره عباس
تفوح الغيره منه .. قبره عباس
عيادة تعرف عنه .. قبره عباس
أمل لكل من تمنى .. قبره عباس
******
عدنا عباس
عدونا شنهي عنده .. عدنا عباس
أبو الشيمه ضمدنه .. عدنا عباس
تكفلنا وسندنا .. عدنا عباس
نقصده ومايردنا .. عدنا عباس