حزينة أخبارك (مكتوبة) - باسم الكربلائي
منذ ٧ سنوات٣٧٧مشاهده
قصيدة : يامحمد حزينة اخبارك
الشاعر : سيد عبدالخالق المحنة
الرادود : الحاج ملا بلاسم الكربلائی
المناسبة : شهادة ابو طالب / البصرة
حسينية العاشور ليلة 7 رمضان 1438
یا محمد حزینه أخبارك
و المدینه صفت مو دارك
هاجر الیوم و اخذ کرارك (٢)
******
بعد ابوطالب صفیت ابلا کفاله
هذا آخر اوصیاء اللّٰه تعاله
یامحمد وحدك اتضل استحاله
راح ابوطالب لچن حیدر بداله
لا یکسرك رحیل الغالي
العنده حیدر ابد میبالي
هذا ابوحسین خزین أسرارك (۲)
******
الینصرك مات و الباري یعینك
هاجر الیثرب یطاها و احمي دینك
هو درعک چان یستاهل ونینك
بس بقه حیدر علی سیف ابیمینك
شیخ الاسلام ابو الوفایه
بید ابوحسین یخلي الرایه
یبقه یمناك علي ویسارك (۲)
******
الیضحی ابأبنه من اجل العقیده
یعنی مؤمن و الرجس ما لامس ایده
یامحمد و الکلام اشگد نعیده
هو لن والد علي محد یریده
چي ابو الحیّد علي ایکرهونه
لو ابو فلان تره ایقدسونه
من فگدته فگدت أنصارك (۲)
******
هذا مجزاته الیطیع اللّٰه او نبیه
خله ابنه اینام بفراشك ضحیه
سید البطحاء شیخ الحیدریه
هذا اول رافضي عالناصبیه
یهل العقول دلیل ایمانه
غیرة الناس حمل جثمانه
تحلم اعداك تطفی انوارك (۲)
******
والأرض ما تخله من حُجه مؤکد
یعنی هو الحُجه گبلك یامحمد
بالشهاده الثالثه حتماً تشهد
عاليتهمونه ابشرك یا طــٰه اشهد
رقم الاحقاد و لا طخ راسه
وجهه مهیوب علي بأنفاسه
عمك اویاك الك بتارك (۲)
******
و المخالف یمته یفتح عینه مره
یبقه اعمه الیاوکت و الدنیه نظره
الحارب الاسلام یحترمه او یوقره
لاکن الکافل رسول اللّٰه یکفره
سید الناس تسمی کافر
خصمك ایصیر محمد باچر
یالمخالف خبیثه افکارك (۲)
******
یا محمد کلمه احچیها ابجداره
اسم ابو طالب یضل سیف الغیاره
شیعة المهدي بقة رهن الاشاره
بسم أبو طالب یزفون البشاره
رفعة الراس جنود القائم
طیر أبابیل عله کل ظالم
انظر الیوم فعال احرارك (۲)
التعلیقات